గజరాజు నడిస్తే గజ్జి కుక్కలు అరుస్తాయి.. నాని టీమ్ వార్నింగ్‌!

న‌టుడిగానే కాకుండా నిర్మాతగానూ సత్తా చాటుతున్న న్యాచురల్ స్టార్ నాని త్వరలో `హిట్ 3` మూవీతో ప్రేక్షకులను పలకరించబోతున్న సంగ‌తి తెలిసిందే. అలాగే మరోవైపు `దసరా` ఫేమ్ శ్రీకాంత్ ఓదెల డైరెక్షన్ లో `ది ప్యారడైజ్` అనే సినిమా కూడా చేస్తున్నారు. ఇటీవల విడుద‌లైన ఈ మూవీ గ్లింప్స్ ఎంత‌లా ఆక‌ట్టుకుందో ప్ర‌త్యేకంగా చెప్ప‌క్క‌ర్లేదు. సికింద్రాబాద్ నేప‌థ్యంలో సాగే ది ప్యారడైజ్ ప్ర‌స్తుతం చిత్రీక‌ర‌ణ ద‌శ‌లో ఉంది. ఇలాంటి త‌రుణంలో నాని, శ్రీకాంత్ ఓదెల కాంబో సినిమా ఆడిపోయిందంటూ కొన్ని రూమ‌ర్లు తెర‌పైకి వ‌చ్చాయి.

అయితే ఈ రూమ‌ర్ల‌పై తాజాగా నాని టీమ్ బ‌దులిస్తూ.. స్ట్రాంగ్ వార్నింగ్ ఇచ్చింది. ` ది ప్యార‌డైజ్ ప‌నులు అనుకున్న విధంగానే జ‌రుగుతున్నాయి. నిశ్చింతగా ఉండండి, ఈ సినిమాను ఎంత గొప్ప‌గా తీర్చిదిద్దుతున్నారో త్వ‌ర‌లోనే మీరు చూస్తారు. ఈలోగా జోక‌ర్లంద‌రూ వీలైనంత ఎక్కువ రూమ‌ర్స్ క్రియేట్ చేస్తూ ఉండండి. ఎందుకంటే.. గజరాజు నడిస్తే..గజ్జి కుక్కలు అరుస్తాయి క‌దా!

మేము ఈ సినిమాపై అభిమానులు చూపిస్తున్న ప్రేమ‌ను గ‌మ‌నిస్తున్నాం. అలాగే వ్యతిరేకంగా వస్తున్న అన్ని నిరాధారమైన ద్వేషాన్ని కూడా గమనిస్తున్నాము. వాట‌న్నిటితో ఒక శ‌క్తిగా ఎదుగుతాం. ది ప్యార‌డైజ్ ను టాలీవుడ్ నుండి వచ్చే గొప్ప చిత్రాలలో ఒకటిగా మారుస్తాం. త‌ప్పుడు వార్త‌ల‌ను ప్ర‌చారం చేసేవారు త్వ‌ర‌గా కోలుకోవాల‌ని ఆశిస్తున్నాం. మీ అందరికీ కొత్త ప్రపంచాన్ని తీసుకురావడానికి పూర్తి స్థాయిలో కృషి చేస్తున్నాయి. మీరంతా గర్వపడే సినిమాను నిర్మిస్తామ‌ని వాగ్దానం చేస్తున్నాం` అంటూ మూవీ టీమ్ ఎక్స్ వేదిక‌గా ట్వీట్ చేసింది.

To all s out there, you feed on us… because we let you do so.#TheParadise is rising in all its glory. Rest assured, it is on the right track. And you all will witness it soon.

Meanwhile, keep feeding on us as much as you can. Because…'Gajaraju nadiste..Gajji kukkalu…

— THE PARADISE (@TheParadiseOffl) April 2, 2025