స‌మంత‌తో విడాకులు తీసుకున్న మూడేళ్లకే యువ‌సామ్రాట్ అక్కినేని నాగ చైతన్య రెండో పెళ్లికి రెడీ అయిన సంగ‌తి తెలిసిందే. తెనాలి భామ శోభిత ధూళిపాళ్ల మెడ‌లో చైతు మూడు ముళ్లు వేయబోతున్నాడు. గ‌త రెండేళ్ల నుంచి సీక్రెట్ గా ప్రేమాయ‌ణం న‌డుపుతున్న ఈ జంట.. ఆగ‌స్టు 8న ఎంగేజ్మెంట్ చేసుకున్నారు. నాగార్జున నివాసంలో ఈ వేడుక జ‌రిగింది. మ‌రి కొద్ది నెల‌ల్లో పెళ్లి తంతు కూడా జ‌ర‌గబోతోంది. అయితే నాగ‌చైత‌న్య, శోభిత నిశ్చితార్థం జ‌రిగిన మ‌రుస‌టి రోజే ప్ర‌ముఖ సెలబ్రిటీ జ్యోతిష్యుడు వేణు స్వామి వారిపై షాకింగ్ కామెంట్స్ చేశారు.
పెళ్లయిన మూడేళ్లకే నాగ చైతన్య-శోభిత విడిపోతార‌ని.. ఒక లేడీ కార‌ణంగా వారి మ‌ధ్య గొడ‌వ‌లు వ‌స్తాయ‌ని వేణు స్వామి ప్రిడిక్ష‌న్ చెప్పారు. చైతు-శోభిత జాతకాలు అస్స‌లు క‌ల‌వ‌లేద‌ని.. పైగా వారి నిశ్చితార్థానికి పెట్టిన ముహుర్తం కూడా స‌రిగ్గా లేదంటూ వేణు స్వామి వ్యాఖ్య‌లు చేశారు. అక్క‌డితో ఆగ‌లేదు.. నాగ చైతన్య-సమంతకు జంట‌కు వంద‌కు 50 మార్కులు ఇస్తే.. నాగ చైతన్య-శోభితకు 10 మార్కులే ఇస్తాన‌ని నోటికొచ్చిన‌ట్లు వాగేశారు.
వేణు స్వామి కామెంట్స్ ప‌ట్ల అక్కినేని అభిమానులు తీవ్ర ఆగ్ర‌హానికి గుర‌య్యారు. సోష‌ల్ మీడియాలో ఆయ‌న్ను ఓ రేంజ్ లో ఏకేస్తున్నారు. ఈ క్ర‌మంలోనే వేణు స్వామి ప్రిడిక్ష‌న్ కు కౌంటర్ గా నాగ చైత‌న్యకి సంబంధించి ఓ పాత వీడియోను ఫ్యాన్స్ వైర‌ల్ చేస్తున్నారు. ఈ వీడియోలో జాత‌కాల‌పై నాగ చైతన్య షాకింగ్ కామెంట్స్ చేశారు.
ఓ టీవీ షోలో పాల్గొన్న నాగ చైత‌న్య‌ను.. `నువ్వు జాతకాన్ని నమ్ముతావా?` అంటూ హోస్ట్ రానా ప్ర‌శ్నించాడు. అందుకు నాగ‌చైత‌న్య `జాతకాన్ని నమ్మడం, నమ్మకపోవడం నా కన్వీనియన్స్‌పై ఆధారపడి ఉంటుంది. జాతకం పాజిటివ్ గా ఉంటే నమ్ముతా.. లేకపోతే అసలు పట్టించుకోను` అంటూ అదిరిపోయే ఆన్స‌ర్ ఇచ్చాడు.
Just Chay’s things! ❤️🔥#NagaChaitanya @chay_akkineni https://t.co/Jz66xyz5ed pic.twitter.com/vF40mWAFwl
— Naga Chaitanya FC (@ChayAkkineni_FC) August 10, 2024
