మూవీ ఆర్టిస్ట్స్ అసోసియేషన్ (మా) అధ్యక్ష ఎన్నికల వేడి రోజురోజుకీ పెరుగుతోంది. ఎన్నిక తేదీని దగ్గరపడుతున్న కొద్దీ రెండు ప్యానళ్లూ తమ వేగం పెంచుతున్నాయి.
అక్టోబర్‌ 10న జరగబోయే ఈ ఎన్నికల అధ్యక్ష బరిలో తాము ఉంటున్నట్లు ప్రకాష్ రాజ్, మంచు విష్ణు, సీవీఎల్ నరసింహా రావులు ఇప్పటికే ప్రకటించారు.
ఇప్పటికే ప్రకాశ్ రాజ్ తన ప్యానెల్ సభ్యులను ప్రకటించారు.
తాజాగా మంచు విష్ణు కూడా తన ప్యానెల్ సభ్యులను ప్రకటించనున్నారు. ఈ రోజు ఉదయం 11 గంటలకు ఆయన తన ప్యానల్లో ఎవరెవరు ఉంటున్నారో వెల్లడించనున్నారు.
మంచు విష్ణు ప్యానల్‌కు మా మాజీ అధ్యక్షుడు నరేష్ తన మద్ధతును ప్రకటించిన విషయం తెలిసిందే.
ఈ క్రమంలో బుధవారం నరేష్ అధ్యక్షతన విష్ణు ఓ సమావేశం కూడా నిర్వహించారు.
మంచు విష్ణు ప్యానెల్‌లో వినిపిస్తున్న పేర్లలో బాబు మోహన్, రఘుబాబు ఉన్నారు. వైస్ ప్రెసిడెంట్‌గా బాబు మోహన్, జనరల్ సెక్రెటరీగా రఘుబాబు ఉండనున్నారని సమాచారం.
ప్రకాశ్ రాజ్ ప్యానెల్‌కి ధీటుగా మంచు విష్ణు ప్యానెల్ ఉంటుందని చిత్ర పరిశ్రమతో పాటు, సినీ అభిమానుల్లో కూడా దీనిపై సర్వత్రా ఆసక్తి నెలకొంది.
ప్రకాశ్‌రాజ్‌ ప్యానల్ నుంచి జనరల్ సెక్రటరీ పదవికి జీవిత పోటీ పడతుండగా, బండ్ల గణేశ్‌ స్వతంత్రంగా బరిలో నిలవబోతున్నారు.
