సూపర్ స్టార్ మహేష్ బాబు హీరోగా దర్శకుడు పరశురామ్ తెరకెక్కించిన ‘సర్కారు వారి పాట’ భారీ అంచనాల మధ్య విడుదలైన సంగతి తెలిసిందే. అయితే, ఈ సినిమాకు మొదట్లో మిక్స్ డ్ టాక్ వచ్చిందని క్రిటిక్స్ అన్నారు. అయితే, మహేష్ ఫ్యాన్ ఫాలోయింగ్ వల్ల ఈ సినిమా బాక్సాఫీస్ వద్ద హిట్ టాక్ తో దూసుకుపోతుంది. ప్రపంచవ్యాప్తంగా ఈ సినిమా రూ.160 కోట్ల గ్రాస్ వసూలు చేసింది. ఈ కలెక్షన్లు చూసిన తర్వాత కూడా ఈ సినిమాపై ఓ ఛానెల్ నెగెటివ్ ప్రచారం చేసింది.
‘సర్కారు వారి పాట’ థియేటర్లు ఖాళీ అంటూ పలుమార్లు ఆ ఛానెల్ టెలికాస్ట్ చేయడంతో ఆ ఛానెల్ పై మహేష్ ఫ్యాన్స్ ట్రోలింగ్ చేశారు. ఈ క్రమంలోనే ఆ నెగెటివ్ టాక్ అంశంపై సూపర్ స్టార్ కృష్ణ స్పందించారు. ‘సర్కారు వారి పాట’ సినిమా గురించి ఓ యూట్యూబ్ ఛానెల్ తో మాట్లాడిన కృష్ణ..ఈ సినిమా హౌస్ ఫుల్ కలెక్షన్స్ తో దూసుకుపోతుంటే..బాలేదని కొన్ని ఛానెళ్లు తప్పుడు ప్రచారం చేస్తున్నాయని మండిపడ్డారు.
సినిమా చాలా బాగుందని, ఫస్ట్ హాఫ్ ఫుల్ ఎంటర్టైనింగ్ గా ఉందని, సెకండ్ హాఫ్ లో మహేష్ బాబు పెర్ఫార్మన్స్ అద్భుతంగా ఉందని అన్నారు. జనాల్లో ఈ సినిమాకి డివైడ్ టాక్ లేదన్నారు. ‘పోకిరి’ కంటే చాలా యంగ్ గా మహేష్ ఈ సినిమాలో కనిపిస్తున్నాడని కితాబిచ్చారు. మహేష్ ఫిట్ నెస్ బాగా మెయింటైన్ చేస్తాడని, షూటింగ్ లేని రోజుల్లో ఎక్కువ సమయం జిమ్ లోనే ఉంటాడని అన్నారు.
స్ట్రెయిన్ అవుతున్న కారణంగా గత ఐదేళ్లుగా బయటకు వెళ్లడం లేదని, తన చిన్న కూతురు ప్రియదర్శినితో కలిసి ఉంటున్నానని చెప్పారు. తనకు ఇష్టమైన వంటకాలు అన్ని ప్రియదర్శిని చేస్తుందని తెలిపారు. ‘సర్కారు వారి పాట’ సినిమాను ఇంట్లో హోమ్ థియేటర్లో చూశానని.. సినిమా చూడగానే మహేష్ కి ఫోన్ చేసి చాలా బాగా నటించావని, ‘పోకిరి’, ‘దూకుడు’ కంటే పెద్ద హిట్ అవుతుందని చెప్పానని గుర్తు చేసుకున్నారు. భవిష్యత్తులో మహేష్ బాబు ‘అల్లూరి సీతారామరాజు’ సినిమా చేసే ఛాన్స్ లేదని తేల్చేశారు సూపర్ స్టార్.
