టాలీవుడ్ ప్రిన్స్ మ‌హేశ్ బాబు ఎంత సాఫ్ట్ గా ఉంటారో ప్ర‌త్యేకంగా వివ‌రించి చెప్పాల్సిన ప‌ని లేదు. వివాదాల‌కు ఎప్పుడూ ఆమ‌డ దూరంలో ఉండే ఆయ‌న.. నందమూరి హీరోతో వైరానికి సిద్ధం అవుతున్నార‌ట. అయితే రియ‌ల్ గా కాదండోయ్‌.. రీలే. పూర్తి వివ‌రాల్లోకి వెళ్తే.. ఇటీవ‌ల `స‌ర్కారు వారి పాట`తో ప్రేక్ష‌కుల‌ను ప‌ల‌క‌రించి మ‌రో హిట్ ను ఖాతాలో వేసుకున్న మ‌హేశ్ బాబు త‌న నెక్స్ట్ ప్రాజెక్ట్ ను మాట‌ల మాంత్రికుడు త్రివిక్ర‌మ్ శ్రీ‌నివాస్ తో చేయ‌బోతున్న సంగ‌తి తెలిసిందే.
ఈ మూవీపై అఫిషియ‌ల్ అనౌన్స్‌మెంట్ కూడా వ‌చ్చింది. గతంలో వీరిద్దరి కాంబినేషన్ లో వచ్చిన అతడు, ఖలేజా చిత్రాలు ప్రేక్ష‌కుల‌ను విశేషంగా ఆక‌ట్టుకున్నాయి. ఈ నేప‌థ్యంలోనే వీరి హ్యాట్రిక్ మూవీపై భారీ అంచ‌నాలు ఏర్ప‌డ్డాయి. హారిక అండ్ హాసిని క్రియేషన్స్ బ్యానర్‌పై రాధాకృష్ణ నిర్మించ‌బోతున్న ఈ చిత్రంలో బుట్ట‌బొమ్మ పూజా హెగ్డే హీరోయిన్ గా ఎంపిక అయింది.
మ‌రికొద్ది రోజుల్లోనే సెట్స్ మీద‌కు వెళ్ల‌నున్న ఈ చిత్రానికి `అర్జునుడు` అనే టైటిల్ ప‌రిశీల‌న‌లో ఉంది. ఇదిలా ఉంటే.. తాజాగా ఈ మూవీకి సంబంధించి ఓ క్రేజీ న్యూస్ నెట్టింట వైర‌ల్ గా మారింది. అదేంటంటే.. ఇందులో మ‌హేశ్ బాబును ఢీ కొట్టే విల‌న్ గా నందమూరి హీరో న‌టించ‌బోతున్నాడ‌ట. ఆ హీరో ఎవ‌రో కాదు తారకరత్న. తాను రాసుకున్న క‌థ‌కు విల‌న్ గా తారకరత్న అద్భుతంగా సెట్ అవుతార‌ని త్రివిక్ర‌మ్ భావించి.. ఇటీవ‌లె ఆయ‌న్ను సంప్ర‌దించార‌ట.
క‌థ న‌చ్చ‌డంలో ఆయ‌న కూడా వెంట‌నే ఓకే చెప్పిన‌ట్లు జోరుగా ప్ర‌చారం జ‌రుగుతోంది. సినిమాలో తారకరత్న పాత్ర చాలా ప‌వ‌ర్ ఫుల్ గా ఉంటుంద‌ని, ఆయ‌న‌కు, మ‌హేశ్ కు మ‌ధ్య ఏర్ప‌డే వైరం ప్రేక్ష‌కుల‌ను బాగా అల‌రిస్తుంద‌ని టాక్ న‌డుస్తోంది. ఈ టాక్ ఎంత వ‌ర‌కు నిజ‌మో తెలియాలంటే మ‌రి కొద్ది రోజులు వెయిట్ చేయాల్సిందే.
కాగా, తారకరత్న విష‌యానికి వ‌స్తే.. నందమూరి మోహన కృష్ణ తనయుడీయ‌న. `ఒకటో నెంబర్ కుర్రాడు` సినిమాతో హీరోగా సినీ కెరీర్ స్టార్ట్ చేసిన తారకరత్న.. డ‌జ‌న్ కు పైగా చిత్రాలు చేశారు. కానీ, స‌క్సెస్ అవ్వ‌లేక‌పోయారు. దాంతో సినిమాల నుంచి కొంత గ్యాప్ తీసుకున్న తారకరత్న ఇటీవ‌లె సెకెండ్ ఇన్నింగ్స్ స్టార్ట్ చేసి `9 అవ‌ర్స్` అనే వెబ్‌ సిరీస్ లో న‌టించారు. ప్ర‌ముఖ ద‌ర్శ‌కుడు క్రిష్ అందించిన క‌థ‌తో రూపుదిద్దుకున్న ఈ స‌స్పెన్స్ థ్రిల్ల‌ర్ సిరీస్ జూన్ 2న డిస్నీ ప్ల‌స్ హాట్ స్టార్ లో స్ట్రీమింగ్ కానుంది. ఈ సిరీస్ హిట్ అయితే తారకరత్న కెరీర్ గాడిలో ప‌డే అవ‌కాశాలు ఉన్నాయి.
