అడివి శేష్ హీరోగా మహేష్ బాబు నిర్మించిన ‘మేజర్’ సినిమా జూన్ 3న విడుదల కాబోతోన్న సంగతి తెలిసిందే. దీంతో, ఈ చిత్ర ప్రమోషన్ కార్యక్రమాల్లో అడివి శేష్ తో పాటు మహేష్ కూడా పాల్గొన్నాడు. ఈ ప్రమోషన్ లో భాగంగా మహేష్ థియేటర్ టికెట్ బుకింగ్ కౌంటర్ క్యూలో నిలుచున్నట్లు రూపొందించిన ప్రమోషన్ వీడియో వైరల్ అయింది. యూట్యూబర్, డిజిటల్ క్రియేటర్ నిహారిక ఎన్ఎం.. సినిమా టికెట్ కోసం ఓ థియేటర్ క్యూలో నిల్చుంటుంది.
అయితే, టికెట్ కోసం వచ్చిన కొందరు ఆమెను వెనక్కు నెట్టి క్యూలో ముందు నిల్చుంటారు. వారిని వారిస్తున్న క్రమంలోనే నిహారికను మేజర్ సినిమా హీరో అడవి శేష్ వెనక్కు నెడతాడు. దీంతో నిహారికకు, అడివి శేష్ లకు మధ్య వాదన జరుగుతుంది. సందట్లో సడేమియా అన్నట్టు…వారి మధ్య గొడవ జరుగుతుండగానే మహేశ్‌బాబు వచ్చి వారిని వెనక్కు నెట్టి క్యూలో నిల్చుంటాడు.
మహేశ్.. మా స్నేహితులను కూడా పిలవొచ్చా? అని నిహారికను ప్రశ్నించగా, అందుకు ఆమె ఓకే అంటుంది. దీంతో లైన్ ఒక్కసారిగా పెరిగిపోతుంది. ఈ సందర్భంగా మహేశ్ ఫోన్ నంబరును నిహారిక అడిగే లోపే అక్కడ నుంచి ప్రిన్స్ చెక్కేస్తాడు. అది చూసి నిహారిక డిజప్పాయింట్ అవుతుంది. దీంతో, అడివి శేష్ తన నంబర్ ఇస్తా తీసుకోమనడంతో…నిహారిక ఓకే చెబుతుంది. ఇలా ప్రిన్స్ క్యూలో నిలుచొని ప్రమోట్ చేసిన ఈ వీడియోను నిహారిక తన ట్విటర్ ఖాతాలో షేర్ చేయడంతో అది వైరల్ అయింది.
Queues are so much fun with @AdiviSesh and @urstrulyMahesh ????#MajorTheFilm #MajorOnJune3rd #Adivisesh #MaheshBabu???? pic.twitter.com/lsUk0tRs9F
— Niharika Nm (@JustNiharikaNm) May 29, 2022
