భారత మాజీ ప్రధాన మంత్రి లాల్ బహదూర్ శాస్త్రి మరణంపై మాజీ సీఐఏ అధికారి రాబర్ట్ క్రౌలి సంచలన వ్యాఖ్యలు చేశారు. శాస్త్రిది సహజ మరణం కాదని, పథకం ప్రకారం ఆయనను సీఐఏ హత్య చేసిందని షాకింగ్ నిజాలు వెల్లడించారు. శాస్త్రితో పాటు భారత అణుశాస్త్ర పితామహుడు హోమి జహంగీర్ బాబాను కూడా సీఐఏ హత్య చేసిందని రాబర్ట్ క్రౌలీ తన పుస్తకంలో రాయడం సంచలనం రేపుతోంది. శాస్త్రి, బాబాలు మరణించినప్పుడు క్రౌలీ సీఐఏ ఆపరేషన్స్ బాధ్యతలు నిర్వర్తించడంతో ఈ వ్యాఖ్యలకు బలం చేకూరుతోంది..
శాస్త్రి, బాబాల నేతృత్వంలో అణ్వాయుధ కార్యక్రమాలను భారత్ శర వేగంగా ముందుకు తీసుకెళ్తోందని, తమ శత్రు దేశం రష్యాతో భారత్ అంటకాగడం అమెరికాకు ఎప్పటికైనా ముప్పేనని గ్రహించామని తెలిపారు. అందుకే, వారిద్దరి హత్యకు సీఐఏ కుట్ర పన్నిందని తన పుస్తకంలో వెల్లడించారు. భారతీయులు తెలివైనవారని, ప్రపంచంలో గొప్ప శక్తిగా భారత్ ఎదగడాన్ని తాము కోరుకోలేదని చెప్పారు.
1966 జనవరి 11న పాకిస్థాన్ అధ్యక్షుడు మహమ్మద్‌ అయూబ్‌ ఖాన్‌తో కలిసి ఉజ్బెకిస్థాన్‌ రాజధానిలో తాష్కెంట్‌ ఒప్పందంపై శాస్త్రి సంతకం చేశారని, అదే రోజు అర్ధరాత్రి ఆయన గుండెపోటుతో మరణించడం వెనక సీఐఏ హస్తం ఉందని క్రౌలీ వెల్లడించారు. ఎయిర్ ఇండియా విమానంలో వియన్నా వెళ్తుండగా బాబాను హతమార్చినట్టు క్రౌలీ వెల్లడించారు. చాలా కష్టపడి ఆ విమానంలోకి పేలుడు పదార్థాలు పంపామని బాంబు పేల్చారు.
బాబా ప్రయాణిస్తున్న విమానాన్ని తొలుత వియన్నా గగనతలంలో పేల్చేద్దామనుకున్నామని, ప్రాణనష్టం ఎక్కువగా ఉంటుందని భావించి పర్వత ప్రాంతాన్ని ఎంచుకున్నామని తెలిపారు. విస్పోటనం తర్వాత విమానం ముక్కలుముక్కలు కావడానికి కూడా అనుకూలంగా ఎత్తయిన పర్వత ప్రాంతాన్ని ఎంచుకుని, అక్కడే కూలిపోయేలా చేశామని తెలిపారు. మరి, ఈ వ్యవహారంపై భారత్ స్పందన ఏమిటన్నది ఆసక్తికరంగా మారింది.
Comments 1