టాలీవుడ్ మోస్ట్‌ ఎలిజిబుల్‌ బ్యాచ్‌లర్, పాన్ ఇండియా స్టార్‌ హీరో ప్రభాస్ కు ఇపుడు దేశవ్యాప్తంగా ఎంతో క్రేజ్ ఉంది. బాహుబలి తర్వాత ఈ ఆరడుగుల అందగాడికి అమ్మాయిల ఫాలోయింగ్ విపరీతంగా పెరిగిపోయింది. ఇక, బాహుబలి చిత్రంలో జంటగా నటించిన ప్రభాస్, అనుష్కలు పెళ్లి ఎప్పుడు చేసుకుంటారంటూ సోషల్ మీడియాలో ఎవర్ గ్రీన్ డిబేట్ నడుస్తూనే ఉంది. ఇక, కొందరు నెటిజన్లయితే స్వీటీని డైరెక్ట్ గానే ప్రభాస్ ను పెళ్లి చేసుకోవచ్చుగా అంటూ క్యూట్ ట్వీట్స్ చేస్తుంటారు.
ఇలా ప్రభాస్ పెళ్లిపై రకరకాల ఊహాగానాలు వస్తుండగానే…బాలీవుడ్ హీరోయిన్ కృతీ సనన్ బాంబు పేల్చింది. తనకు ప్రభాస్ ను పెళ్లి చేసుకోవాలని ఉందంటూ ఈ ఆరడుగుల అందగత్తె షాకింగ్ కామెంట్లు చేసింది. ఆది పురుష్ లో ప్రభాస్ జంటగా నటిస్తోన్న ఈ బాలీవుడ్ బ్యూటీ రియల్ లైఫ్ లోనూ ప్రభాస్ ను మనువాడతానంటూ చేసిన కామెంట్లు ఇపుడు హాట్ టాపిక్ గా మారాయి. అయితే, ఇదంతా నిజం కాదులేండి…ఓ షో సందర్భంగా యాంకర్ అడిగిన ప్రశ్నకు కృతి సనన్ ఈ రకంగా తన మనసులోని మాట చెప్పేసింది.
ఓ టీవీ షోలో పాల్గొన్న కృతి సనన్ కు చిత్రమైన ప్రశ్న ఎదురైంది. ప్రభాస్, టైగర్‌ ష్రాఫ్‌, కార్తీక్‌ ఆర్యన్‌…ఈ ముగ్గురిలో ఎవరితో డేట్‌కు వెళతారు? ఎవర్ని పెళ్లి చేసుకుంటారు? ఎవరితో ఫ్లర్ట్‌ చేస్తారు?’ అన్న ప్రశ్నలకు కృతి సనన్ కూడా క్యూట్ గా రిప్లై ఇచ్చింది. ప్రభాస్‌ను పెళ్లి చేసుకుంటానని చెప్పిన ఈ పొడుగుకాళ్ల సుందరి….టైగర్‌ ష్రాఫ్‌తో డేటింగ్‌కు వెళతానని మొహమాటం లేకుండా చెప్పేసింది. ఇక, కార్తీక్‌ ఆర్యన్‌ను ఫ్లర్ట్‌ చేస్తానని నవ్వుతూ చెప్పింది. ఇక, ఈ మాట ప్రభాస్ విన్న ప్రభాస్ ఫ్యాన్స్…తమ హీరోకున్న ఫాలోయింగ్ ను చూసి సంబరపడిపోతున్నారు.
