టాలీవుడ్ యంగ్ అండ్ టాలెంటెడ్ హీరో కిరణ్ అబ్బ‌వ‌రం మ‌రికొద్ది రోజుల్లో ఓ ఇంటి వాడు కాబోతున్న సంగ‌తి తెలిసిందే. బ్యాచిర‌ల్ లైఫ్ కు ఎండ్ కార్డు వేసి త‌న ప్రియ‌స‌ఖి, ప్ర‌ముఖ హీరోయిన్‌ ర‌హ‌స్య గోర‌క్ తో కిరణ్ ఏడ‌డుగులు వేయ‌బోతున్నాడు. వీరిద్ద‌రూ 2019లో రాజా వారు రాణి గారు సినిమాతో హీరో,హీరోయిన్లుగా ఇండ‌స్ట్రీలోకి అడుగు పెట్టారు. అయితే ఆన్ స్క్రీన్ పైనే కాదు.. ఆఫ్ స్క్రీన్ లోనూ కిరణ్-ర‌హ‌స్య మ‌ధ్య కెమిస్ట్రీ కుదిరేసింది.
రాజా వారు రాణి గారు మూవీ షూటింగ్ స‌మ‌యంలో ఏర్ప‌డ్డ ప‌రిచ‌యం ప్రేమ‌గా మారడంతో.. కిరణ్-ర‌హ‌స్య ఇప్పుడు త‌మ బంధాన్ని పెళ్లితో మ‌రింత ముందుకు తీసుకెళ్తున్నారు. మార్చిలో వీరి ఎంగేజ్మెంట్ జ‌రిగింది. ఆగ‌స్టు 22న హ‌స్బండ్ అండ్ వైఫ్ గా ప్ర‌మోట్ కాబోతున్నారు. అయితే తాజాగా కిరణ్ అబ్బ‌వ‌రం-ర‌హ‌స్య ప్రీ వెడ్డింగ్ సెలబ్రేషన్స్ మొద‌ల‌య్యాయి.
తాజాగా సంగీత్ వేడుక నిర్వహించారు. ఇందులో ఇరు కుటుంబ సభ్యులు పాల్గొని సంద‌డి చేశారు. సంగీత్ వైబ్స్‌ అంటూ ర‌హ‌స్య ఇన్‌స్టాగ్రామ్ స్టోరీలో ఓ వీడియోను పంచుకుంది. అలాగే కాబోయే భ‌ర్త కిరణ్ తో క‌లిసి ప్రత్యేక పూజలు చేస్తున్న ఫోటోను కూడా షేర్ చేసింది. అవి కాస్త ఇప్పుడు నెట్టింట వైర‌ల్ గా మారాయి.
ఇక‌పోతే కిరణ్-ర‌హ‌స్య మొద‌ట కేరళలో డెస్టినేషన్ వెడ్డింగ్ చేసుకోవాల‌ని ప్లాన్ చేసుకున్నారు. కానీ భారీ వ‌ర‌ద‌ల వ‌ల్ల కేర‌ళ రాష్ట్రం అత‌లాకుత‌లం అయింది. ఈ నేప‌థ్యంలోనే త‌మ పెళ్లి వేదికను కర్ణాటకకు మార్చారు. కూర్గ్ లోని ఓ రిసార్ట్ లో కిరణ్ అబ్బ‌వ‌రం, ర‌హ‌స్యల పెళ్లి జ‌ర‌గ‌బోతోంది. అందుకు ఏర్పాట్లు కూడా ప్రారంభం అయ్యాయ‌ని తెలుస్తోంది.
