తెలుగుదేశం పార్టీ వ్యవస్థాపకుడు, విశ్వ విఖ్యాత నట సార్వభౌమ నందమూరి తారకరామారావు శత జయంతి వేడుకలు ఇరు తెలుగు రాష్ట్రాలలో ఘనంగా జరుగుతున్నాయి. ఈ సందర్భంగా అన్నగారికి నందమూరి కుటుంబ సభ్యులు, టీడీపీ నేతలు, పలువురు సినీ, రాజకీయ ప్రముఖులు ఘన నివాళులర్పిస్తున్నారు. ఈ క్రమంలోనే హైదరాబాద్‌లోని ఎన్టీఆర్ ఘాట్ వద్ద ఎన్టీఆర్ కు జూనియర్ ఎన్టీఆర్, కల్యాణ్‌రామ్ లు ఘనంగా నివాళులు అర్పించారు.
ఈ రోజు తెల్లవారుఝామున 5 గంటలకు ఎన్టీఆర్ ఘాట్ కు చేరుకున్న తారక్, కల్యాణ్ రామ్ లు ఎన్టీఆర్ సమాధిపై పుష్పగుచ్ఛాలు ఉంచి నివాళులు అర్పించారు. నివాళులు అర్పించిన త‌ర్వాత తారక్ అక్క‌డే కాసేపు కూర్చున్నారు. తారక్, కల్యాణ్ రామ్ అక్క‌డ‌కు చేరుకున్న స‌మ‌యంలో భారీగా తారక్, కల్యాణ్ రామ్ అభిమానులు వ‌చ్చారు. జై ఎన్టీఆర్ అంటూ నినాదాలు చేశారు. ఇక, ట్విట్ట‌ర్‌లోనూ ఎన్టీఆర్, క‌ళ్యాణ్ రామ్ లు తాతయ్యకు నివాళులర్పించారు.
ఇక, ఎన్టీఆర్ జయంతిని పురస్కరించుకుని జూనియర్ ఎన్టీఆర్ ఎమోషనల్ గా ‘సదా మిమ్మల్ని స్మరించుకుంటూ’ అని ట్వీట్ చేశారు. ‘‘మీ పాదం మోపక తెలుగు ధరిత్రి చిన్నబోతోంది..మీ రూపు కానక తెలుగు గుండె తల్లడిల్లిపోతోంది…పెద్దమనసు
మరోవైపు, అన్నగారికి మెగా స్టార్ చిరంజీవి ఘన నివాళులర్పిస్తూ ట్వీట్ చేశారు. ‘‘తెలుగు వారి హృదయాలలో అచిరకాలం కొలువయ్యే యుగ పురుషుడు,నవరస నటనా సార్వభౌముడు , తెలుగు వారి ఆత్మ గౌరవం, తెలుగు జాతి కీర్తి కిరీటం, శ్రీ నందమూరి తారక రామారావు గారు. ఆ మహానుభావుడి శత జయంతి సందర్భంగా ఇదే నా ఘన నివాళి!’’ అని చిరు ట్వీట్ చేశారు.
