కరోనా నివార‌ణ‌కు ఆయుర్వేద వైద్యుడు ఆనందయ్య త‌యారు చేసిన మందుకు మ‌ద్ద‌తు ప‌లుకుతూ సినీ న‌టుడు జ‌గ‌ప‌తిబాబు చేసిన వ్యాఖ్య‌లు చేయ‌డం తెలిసిందే. ఆ మందును ఆయ‌న ప్ర‌మోట్ చేయ‌డం చాలామందికి ఆశ్చ‌ర్యం క‌లిగించింది కూడా.
శాస్త్రీయ‌త లేని ఆనందయ్య మందు విషయంలో భిన్నాభిప్రాయాలు వ్య‌క్తం కాగా.. జ‌నాల్లో ఆనంద‌య్య‌కు క‌నిపించిన మ‌ద్ద‌తు చూసి రాజ‌కీయ నాయ‌కులు ఆ మందును ప్ర‌మోట్ చేయ‌డానికి చూశారు.
ఐతే జ‌గ‌ప‌తిబాబు ఎందుకు ఈ మందు గురించి మాట్లాడారా అని అంద‌రూ అప్పుడు ఆశ్చ‌ర్య‌పోయారు. కొంద‌రేమో జ‌గ‌ప‌తిబాబుకు వేరే ఉద్దేశాలేమీ లేవ‌ని, మామూలుగానే ఆయ‌న స్పందించి ఉంటాడ‌ని అన్నారు. కానీ కొన్ని రోజుల త‌ర్వాత జ‌గ‌ప‌తిబాబు ఆయుర్వేద ఉత్ప‌త్తుల వ్యాపారంలోకి రానున్న‌ట్లుగా వార్త బ‌య‌టికి వ‌చ్చింది. దీంతో ఆనందయ్య మందును జ‌గ‌ప‌తిబాబు ప్ర‌మోట్ చేయ‌డం వెనుక కార‌ణం ఇదా అనుకున్నారు.
ఇదే విష‌య‌మై ఇప్పుడు ప్ర‌ముఖ హేతువాది, సామాజిక కార్య‌క‌ర్త బాబు గోగినేని వ్యంగ్యంగా స్పందించారు. జ‌గ‌ప‌తిబాబు ఆయుర్వేద వ్యాపారంలోకి వ‌స్తున్న‌ట్లుగా రిపోర్ట్ చేసిన వార్త లింక్‌ను ఫేస్‌బుక్‌లో షేర్ చేసిన ఆయ‌న.. అమ్మ నాటీ! తమరు దుకాణం తెరవబోతున్నట్టు చెప్పకుండా ఆనందయ్య చట్నీ గుణగణాలు మెచ్చుకుంటూ మాట్లాడటం భలే బిజినెస్ టాక్టిక్ యాక్టర్ గారూ.
కానీ తెలివైనవాడు ఎవడైనా కొంచం ఆగి చెప్పేవాడు. ఈ ఆత్రం మనకే చేటు అని ఆయ‌న పోస్టు పెట్టారు. బాబుకు మ‌ద్ద‌తుగా మ‌రింత మంది వ్యాఖ్య‌లు చేస్తూ.. జ‌గ‌ప‌తిబాబు మీద కౌంట‌ర్లు వేస్తున్నారు ఫేస్‌బుక్‌లో.
