గత కొన్ని రోజులుగా సినిమా టికెట్ ధరల విషయంలో టాలీవుడ్ సినీ ప్రముఖులకు, ఏపీ ప్రభుత్వానికి మధ్య వాదోపవాదాలు జరుగుతున్న సంగతి తెలిసిందే. నేచురల్ స్టార్ నాని చేసిన వ్యాఖ్యలతో మొదలైన ఈ దుమారం.. సంచలన దర్శకుడు రామ్గోపాల్ వర్మ ఎంటర్ కావడంతో హాట్ టాపిక్గా మారింది. మంత్రుల మాట తీరు, జగన్ ప్రభుత్వంపై ఓ రేంజ్‌లో విరుచుకుపడుతున్నారు ఆర్జీవీ. ఈ నేపథ్యంలో తాజాగా సీఎం జగన్ను ఉద్దేశిస్తూ వర్మ మ‌రికొన్ని సంచలన కామెంట్స్ చేశారు. ప్ర‌స్తుతం ఇవి సోషల్ మీడియాలో వైరల్ అవుతున్నాయి.
“వైసీపీలో నేను నమ్మే ఒకే ఒక్క వ్యక్తి వైఎస్ జగన్. ఆయన చాలా వ్యక్తి. మ‌న‌సులో ఒక‌టి .. బ‌య‌ట‌కు ఒక‌టి చెప్పే వారు కాదు. పైగా.. ఆయన అనుకున్న‌ది మంచైనా, చెడైనా.. బేఖాత‌ర్‌. చేసే స్తారు.. గ‌ట్స్ ఉన్న నేత. అయితే.. ఆయన చుట్టూ ఉన్న లీడర్స్ జగన్ను తప్పుదోవ పట్టిస్తున్నారు. వారికి అనుగుణంగా ఆయనను వాడుకుంటున్నారు. నేను చాలా చాలా సార్లు ఈ విష‌యం గ‌మ‌నించాను. జగన్ గారూ.. మీ చుట్టూ ఉన్న వాళ్లతో జాగ్రత్త. మీ పట్టుదల, ప్రవర్తనను చూసి నా తల్లి, సోదరి ఓటు వేశారు. కానీ మీ చుట్టూ ఉంటూ మీ ఇమేజ్ డామేజ్ చేసే వారిని చూసి షాకవుతున్నారు“ అని వర్మ ట్వీట్ చేశారు.
నిజానికి వర్మ.. ఇప్ప‌టి వ‌ర‌కు ఏపీ విష‌యాల్లో పెద్దగా జోక్యం చేసుకోలేదు. టికెట్ల ధ‌ర‌లు త‌గ్గించ‌డం.. మ‌ద్యం అమ్మ‌కాలు వంటివాటిపై ఆయన అప్పుడ‌ప్పుడు.. మాట్లాడినా.. ఇప్పుడు వ‌రుస‌గా టికెట్ల‌పై మాత్రం జోక్యం చేసుకుంటున్నారు. పైగా.. ఇప్పుడు జ‌గ‌న్‌కే జాగ్ర‌త్త‌లు చెప్ప‌డం.. మ‌రింత‌గా ఆయన వ్యాఖ్య‌ల‌కు ప్రాధాన్యం సంత‌రించుకుంది. వాస్త‌వానికి ఆయన విమ‌ర్శ‌లు అంద‌రికీ తెలిసిందే. కానీ, ఇప్పుడు జగన్ చుట్టూ ఉన్న‌వారు.. అని అన‌డంలో మాత్రం అంత‌రార్థం వేరే ఉంద‌ని అంటున్నారు. ప్ర‌స్తుతం ఆర్జీవీ చేసిన ఈ కామెంట్స్ సోషల్ మీడియాలో వైరల్ గా మారాయి. ఇది చూసిన కొందరు నెటిజన్లు.. ‘కొడాలి నాని గురించే ఈ వ్యాఖ్య‌లు చేసి ఉంటారు’ అంటూ.. కామెంట్ చేస్తున్నారు. మ‌రి దీనిపై మంత్రి కొడాలి ఎలా రియాక్ట్ అవుతారో చూడాలి.
