టీడీపీ అధినేత నారా చంద్రబాబు నాయుడుపై సీఎం జగన్ విమర్శలు గుప్పిస్తున్న సంగతి తెలిసిందే. చంద్రబాబుకు వయసైపోయిందని, రాబోయే ఎన్నికల నాటికి ఆయన ఫిట్ గా ఉండడని జగన్, వైసీపీ నేతలు ముమ్మరంగా ప్రచారం చేస్తున్నారు. ఇక, తాజాగా జగనన్న వసతి దీవెన బహిరంగ సభలో కూడా ఒక ముసలాయన ఉన్నాడు అంటూ చంద్రబాబును ఉద్దేశించి జగన్ పరోక్షంగా విమర్శలు చేయడం చర్చనీయాంశమైంది.
ఈ నేపథ్యంలోనే జగన్ విమర్శలకు టీడీపీ పోలిట్ బ్యూరో సభ్యుడు, సీనియర్ నేత వర్ల రామయ్య కౌంటర్ ఇచ్చారు. వంగి కొబ్బరికాయ కొట్టలేని జగన్ రెడ్డి వృద్ధుడా? లేదంటే పాతికేళ్ల కురాడిలాగా స్వతహాగా కాలువ తూమును ఎగిరి దూకిన చంద్రబాబు వృద్ధుడా అని జగన్ ను వర్ల రామయ్య నిలదీశారు. కొంతమంది యువకులు పుట్టుకతో వృద్ధులు అన్న శ్రీ శ్రీ వ్యాఖ్యలు జగన్ కు సరిగ్గా అతికినట్లు సరిపోతాయని వర్ల రామయ్య చురకలం చారు.
రాత్రి ఎనిమిది దాటితే కొట్టుకట్టేసే జగన్ వృద్ధుడా… లేదంటే అర్ధరాత్రి 12 అయినా సరే పని చేసే చంద్రబాబు వృద్ధుడా అని ప్రశ్నించారు. 16 నెలలు జైల్లో ఉండి 11 అవినీతి కేసులు ఎదుర్కొంటున్న జగన్ రెడ్డి….మచ్చలేని చంద్రుడి వంటి చంద్రబాబును ఎద్దేవా చేయడం విడ్డూరంగా ఉందని వర్ల రామయ్య సెటైర్లు వేశారు.
