వైసీపీ నేతలకు, ఆ పార్టీ అధినేత సీఎం జగన్ కు నరసాపురం ఎంపీ, వైసీపీ రెబల్ రఘురామ కంటిమీద కునుకులేకుండా చేస్తున్న సంగతి తెలిసిందే. జగన్ అండ్ కోకు పక్కలో బల్లెంలా మారిన రఘురామపై అనర్హత వేటు వేయించేందుకు వైసీపీ ఎంపీలు విశ్వ ప్రయత్నాలు చేసి విఫలమయ్యారు. దీంతో, ఎట్టకేలకు స్వచ్ఛందంగా రఘురామే తాను రాజీనామా చేసి నరసాపురం నుంచి పోటీ చేస్తానని జగన్ కు కండిషన్స్ అప్లై డెడ్ లైన్ పెట్టారు.
ఈ క్రమంలోనే జగన్…రఘురామపై పోటీకి దింపేందుకు అభ్యర్థుల వేటలో కూడా పడ్డట్లు కనిపిస్తోంది. తాజాగా నేడు జగన్ తో భేటీ అయిన హీరో ప్రభాస్ ముందు జగన్ ఓ ప్రపోజల్ పెట్టినట్లు ప్రచారం జరుగుతోంది. మీ చిన్నాన్న పోటీ చేస్తానంటే నరసాపురం ఎంపీ టికెటిస్తాను…ఆయనతో మాట్లాడి చెప్పు అని జగన్ అడిగినట్లు సోషల్ మీడియాలో ప్రచారం జరుగుతోంది. దానికి ప్రభాస్.. రాజకీయాలు నాకు తెలియవు…మా చిన్నాన్నను మీరే అడగండి అని చెప్పినట్లు మీమ్స్ వైరల్ అవుతున్నాయి.
ఇక, అంతకుముందు జగన్ తో భేటీలో ప్రభాస్ ఓ ప్రత్యేక వినతిని ఉంచినట్లు తెలుస్తోంది. సూళ్లురుపేటలో తన ఫ్రెండ్స్ కు చెందిన ‘వి’ సెల్యూలాయిడ్స్‌ మల్టీప్లెక్స్‌ థియేటర్ గురించి ప్రభాస్ మాట్లాడినట్లు తెలుస్తోంది. అత్యాధునిక టెక్నాటజీతో అతి పెద్ద స్ర్కీన్‌తో దేశంలోనే ఏకైక థియేటర్ గా పేరున్న ఈ థియేటర్ టికెట్ రేట్లు మిగతా థియేటర్ల మాదిరిగా నిర్ణయించకుండా చూడాలని బాహుబలి రిక్వెస్ట్ చేశాడట. దానికి జగన్ చూద్దామన్నట్లుగా సమాధానమిచ్చినట్లు తెలుస్తోంది. మరి, బాహుబలి కోరికను జగన్ తీరుస్తారా లేదా అన్నది తేలాల్సి ఉంది.
