సీతారామం మూవీతో నేష‌న‌ల్ వైడ్ గా క్రేజ్ సంపాదించుకున్న డైరెక్ట‌ర్ హ‌ను రాఘవపూడి.. త‌న త‌దుప‌రి చిత్రాన్ని పాన్ ఇండియా సెన్సేష‌న్ ప్రభాస్ తో చేయ‌బోతున్న సంగ‌తి తెలిసిందే. వీరి కాంబో ప్రాజెక్ట్ మైత్రి మూవీ మేకర్స్ బ్యాన‌ర్ పై నేడు పూజా కార్య‌క్ర‌మాల‌తో లాంఛ‌నంగా ప్రారంభ‌మైంది. ఈ విష‌యాన్ని చిత్ర నిర్మాణ సంస్థ అఫీషియ‌ల్ గా అనౌన్స్ చేసింది.
పీరియాడిక‌ల్ యాక్ష‌న్ ల‌వ్ స్టోరీగా హ‌ను ఈ సినిమాను తెర‌కెక్కించ‌బోతున్నార‌ని బ‌లంగా టాక్ న‌డుస్తోంది. ఫౌజీ అనే టైటిల్ ప‌రిశీల‌న‌లో ఉంది. అలాగే ఈ చిత్రంలో ప్రభాస్ కు జోడిగా కొత్త భామ ఇమాన్ ఇస్మాయిల్ యాక్ట్ చేయ‌బోతోంది. నేడు జ‌రిగిన సినిమా ఓపెనింగ్ కార్య‌క్ర‌మంలో కూడా ఇమాన్ ఇస్మాయిల్ పాల్గొంది. దాంతో అంద‌రి దృష్టి ఆమెపైనే ప‌డింది. ఇమాన్ ఇస్మాయిల్ ఎవ‌రో తెలుసుకునేందుకు నెటిజ‌న్లు గూగుల్ లో సెర్చింగ్ మొద‌లెట్టేశారు.
28 ఏళ్ల ఇమాన్ ఇస్మాయిల్ ఢిల్లీకి చెందిన అమ్మాయి అయిన‌ప్ప‌టికీ.. మూడు దేశాల పౌర‌స‌త్వం సంపాదించింది. సైకాలిజీలో డిగ్రీ కంప్లీట్ చేసింది. నూయార్క్ లో మాస్ట‌ర్స్‌ చ‌దివిన ఇమాన్.. సోష‌ల్ మీడియాలో ఇమాన్వీగా ప్ర‌సిద్ధి చెందింది. ఇమానీ ఒక డాన్సర్ మ‌రియు కొరియోగ్రాఫ‌ర్‌. ఇన్‌స్ట్రాగ్రామ్ లో ఆమెకు 6 లక్ష‌ల‌కు పైగా ఫాలోవ‌ర్స్ ఉన్నారు. హ‌ను ద‌ర్శ‌క‌త్వంలో ప్రభాస్ తో చేయ‌బోయే చిత్ర‌మే వెండితెర‌పై ఆమె తొలి సినిమా. ఫ‌స్ట్ మూవీనే డార్లింగ్ తో చేసే ఛాన్స్ ను అందుకుందంటే ఇమాన్ ఎంత ల‌క్కీనో, మ‌రెంత టాలెంటెడో అంచ‌నా వేయ‌వ‌చ్చు. ఇక ప్రభాస్ తో క‌లిసి యాక్ట్ చేయ‌బోతున్న నేప‌థ్యంలో ప్ర‌స్తుతం ఇమాన్ ఇస్మాయిల్ డాన్స్ వీడియోలు నెట్టింట తెగ ట్రెండ్ అవుతున్నాయి.
View this post on Instagram
