సినిమా పరిశ్రమలో వారసత్వం అనేది కొత్తేమీ కాదు. ఎప్పటి నుంచో ఉన్నదే.. ప్రస్తుతం ఇండస్ట్రీలో ఉన్న వారిలో సగానికి పైగా మంది వారసత్వం ద్వారా వచ్చినవారే. ఇక ఇప్పుడు ఈ జాబితాలో ప్రముఖ డైరెక్టర్ మారుతి కూతురు కూడా చేరబోతోంది. ఏకంగా పాన్ ఇండియా స్టార్‌ ప్రభాస్ మూవీతో మారుతి ముద్దుల కూతురు హియ దాసరి ఇండస్ట్రీలోకి అడుగుపెట్టేందుకు సిద్ధ‌మైంది.
ప్రభాస్ మారుతి కాంబినేషన్ లో ప్రస్తుతం `రాజా సబ్` అనే హారర్ కామెడీ మూవీ తెరకెక్కుతున్న సంగతి తెలిసిందే. పీపుల్ మీడియా ఫ్యాక్టరీ బ్యాన‌ర్ పై టిజి విశ్వ ప్రసాద్, వివేక్ కూచిబొట్ల ఈ చిత్రాన్ని నిర్మిస్తుండ‌గా.. థ‌మ‌న్ సంగీతం అందిస్తున్నాడు. షూటింగ్ ద‌శ‌లో ఉన్న ఈ చిత్రం మ‌రికొన్ని నెల‌ల్లో విడుద‌ల కాబోతోంది. అయితే రాజా సాబ్ ద్వారా మారుతి కూతురు హియ అసిస్టెండ్ డైరెక్టర్ గా టాలీవుడ్ లోకి ఎంట్రీ ఇవ్వ‌బోతోంది.
తాజాగా ఈ విష‌యాన్ని హియ స్వ‌యంగా వెల్ల‌డించింది. త్వ‌ర‌లోనే జామ్ జంక్షన్ అనే ఓ మ్యూజిక్ బ్యాండ్స్ కి సంబంధించిన కాంపిటేషన్ ప్రోగ్రాంను మారుతి నిర్వ‌హించ‌బోతున్నారు. జామ్ జంక్షన్ ప్రోగ్రాంకి సంబంధించిన ఈవెంట్ తాజాగా హైద‌రాబాద్ లో జ‌ర‌గ‌గా.. మారుతి మ‌రియు ఆయ‌న కూతురు హియ హాజ‌రైయ్యారు. ఈ సంద‌ర్భంగా మీడియాలో ఇంట్రాక్ట్ అయిన హియ.. తాను ప్రభాస్ నటిస్తున్న రాజా సాబ్ కి అసిస్టెంట్ డైరెక్టర్ గా పని చేస్తున్న‌ట్లు వెల్ల‌డించింది.
రాజా సాబ్ సినిమాకు సంబంధించిన పోస్ట్ ప్రొడక్షన్ వర్క్ లో తాను భాగ‌మ‌య్యాన‌ని తెలిపింది. అలాగే డైరెక్టర్ నాగ్ అశ్విన్ వర్క్ అంటే త‌న‌కు చాలా ఇష్టమ‌ని.. ఎప్పటికైనా ఆయనతో కలిసి పని చేయాలనేది త‌న డ్రీమ్ అని హియ వెల్ల‌డించింది. ఇక ఇటీవ‌లె ఇంట‌ర్ పూర్తి చేసిన హియ.. త్వ‌ర‌లోనే పైచ‌దువుల కోసం ఫారెన్ వెళ్ల‌బోతోంది. స్ట‌డీస్ కంప్లీట్ అయిన వెంట‌నే హియ.. ఇండస్ట్రీలో క్రియేటివ్ సైడ్ త‌న జ‌ర్నీని స్టార్ట్ చేసేందుకు ప్లాన్ చేసుకుంటోంది. అన్న‌ట్లు మారుతికి ఒక కుమారుడు కూడా ఉన్నాడు. అత‌ను మ్యూజిక్ సైడ్ వెళ్తున్నాడు.
