`జ‌బ‌ర్డ‌స్త్‌` క‌మెడియ‌న్ ఆది.. సంచ‌ల‌న వ్యాఖ్య‌లు చేశాడు. జ‌న‌సేన‌కు తాను అభిమానని ఆయ‌న పేర్కొ న్నారు. అంతేకాదు.. వ‌చ్చే ఎన్నికల్లో ప‌వ‌న్ కోసం ప‌నిచేస్తాన‌ని చెప్పాడు. “నేను జ‌న‌సేన‌కు అభిమానిని.. గ‌త ఎన్నికల్లో ప్ర‌చారం చేశా. ఇప్పుడు కూడా రెడీ“ అని వ్యాఖ్యానించాడు. అంతేకాదు.. వ‌చ్చే ఎన్నికల్లో త‌న‌కు టికెట్ ఇస్తే.. పోటీ చేసేందుకు విజ‌యం సాధించేందుకు కూడా తాను సిద్ధ‌మేన‌ని అన్నాడు. ప‌వ‌న్ కోసం.. తాను క‌ట్టుబ‌డ‌తాన‌ని చెప్పాడు.
ఇక, వైసీపీ మంత్రి, జ‌బ‌ర్ద‌స్త్ రోజా గురించి మాట్లాడుతూ.. త‌న‌కు రోజాతో ఎలాంటి విభేదాలు, వివాదాలు లేవ‌న్న ఆది.. ఆమెకు తాను అభిమానని చెప్పాడు. త‌నను ఆమె జ‌బ‌ర్ద‌స్త్ షోల‌లో బాగా ప్రోత్స‌హించార‌ని అన్నారు. అయితే.. రాజ‌కీయం వేరేగా ఉంటుంద‌ని, దీనిని ఎలా అవ‌గాహ‌న చేసుకున్నా.. ఇబ్బంది లేద‌ని చెప్పారు. త‌మ‌కు ప‌వ‌న్ ముఖ్యమ‌ని తెలిపాడు. వ‌చ్చే ఎన్నికల్లో ప‌వ‌న్ గెలిచి.. అసెంబ్లీలోకి అడుగు పెట్టాల‌ని కోరుకునే వారిలో తాను కూడా ఉన్నాన‌ని చెప్పాడు.
కాగా, గ‌త ఏడాది శ్రీకాకుళం జిల్లా ర‌ణ‌స్థ‌లంలో జనసేన నిర్వ‌హించిన భారీ బ‌హిరంగ స‌భ‌లో ఆది పాల్గొన్న విష‌యం తెలిసిందే. ఆ వేదిక‌గా.. మంత్రుల‌పై స‌టైర్లు వేశాడు. ఈ క్ర‌మంలో మంత్రి రోజాను కూడా రాజ‌కీయంగా ఆయ‌న విమ‌ర్శించారు. ఇక, యూట్యూబ‌ర్లు ఎక్కువ‌గా ఇష్ట‌ప‌డేవారిలో ఆది కూడా ఉన్నాడు. నెల్లూరు జిల్లాకు చెందిన ఆదికి సోష‌ల్ మీడియాలోనూ క్రేజ్ ఉంది. అయితే.. ఇది రాజ‌కీయంగా ఏమేర‌కు ఆయ‌న‌కు ఉప‌యోగ‌ప‌డుతుంద‌నేది చూడాలి.
