నటసింహ నందమూరి బాలకృష్ణ హోస్ట్ గా ఆహా ఓటీటీలో ప్రసారమవుతోన్న ‘అన్ స్టాపబుల్ విత్ యన్.బి.కె.’ టాక్ షోకు మంచి రెస్పాన్స్ వచ్చిన సంగతి తెలిసిందే. దీపావళి సందర్భంగా స్ట్రీమ్ అయిన ఈ షో తొలి ఎపిసోడ్ కు మోహన్ బాబు, మంచు లక్ష్మి, మంచు విష్ణు రావడంతో షోకు మంచి హైప్ వచ్చింది. ఇక, ఈ షో సందర్భంగా బాలయ్య, మోహన్ బాబుల మధ్య వాడీ, వేడీ ప్రశ్నలు, రాజకీయాలపై షాకింగ్ కామెంట్లు…వెరసి షోను రక్తి కట్టించాయి.
మొదటి ఎపిసోడ్ గ్రాండ్ సక్సెస్ కావడంతో రెండో ఎపిసోడ్ పై భారీ అంచనాలున్నాయి. ఈ క్రమంలోనే సెకండ్ ఎపిసోడ్ కు గెస్ట్ గా ఎవరొస్తారంటూ సస్పెన్స్ ఏర్పడింది. అయితే, ఆ సస్పెన్స్ కు తెరదించుతూ సెకండ్ ఎపిసోడ్ కు న్యాచురల్ స్టార్ నాని రాబోతున్నాడని ఆహా టీం ప్రకటించింది. అంతేకాదు, ఈ షో సెట్ లో నానితో పాటు బాలయ్య ఉన్న ఫొటోలను ట్వీట్ చేసింది. ప్రస్తుతం ఈ ఫొటోలు సోషల్ మీడియాలో వైరల్ అయ్యాయి.
ఈ షో సెకండ్ ఎపిసోడ్ లో నానిని ప్రశ్నలతో బాలయ్య ఉక్కిరిబిక్కిరి చేయబోతున్నారు. ఇప్పటికే మనలో ఒకడు…సెల్ఫ్ మేడ్ కి సర్నేమ్…నేచురల్ స్టార్ నాని ఈ షో సెకండ్ ఎపిసోడ్ కు గెస్ట్ గా రాబోతున్నాడని ఆహా టీం ట్వీట్ చేసింది. అంతేకాదు, సెకండ్ ఎపిసోడ్ ప్రోమోను కూడా ఈ రోజు రిలీజ్ చేయబోతున్నట్లు ట్వీట్ చేసింది. ఇప్పటికే, మోహన్ బాబు ఎక్కడా రివీల్ చేయని విషయాలను తన షోలో రాబట్టిన బాలయ్య…నాని అంతరంగంలోకి తొంగిచూసి….ఏ విషయాలు రాబట్టబోతున్నారన్నది ఆసక్తిగా మారింది.
