సినీ ప్ర‌పంచ‌మంటేనే ఒక మాయా ప్ర‌పంచం. వెండితెర‌పై వెలిగే హీరోయిన్ల ప‌రిస్థితీ మ‌రీ భిన్నం. వారు ఎంత‌గానో వెండితెర‌పై అంద‌చందాల‌తో తుళుకులీనుతుంటారు. కానీ ఒక్క‌సారి న‌ట‌న నుంచీ నిష్క్ర‌మించారా వారిని అంతే త్వ‌ర‌గా ప్రేక్ష‌క లోకం, సినీ లోకం మ‌ర‌చిపోతుంటారు. ఎంత‌లా అంటే కొన్ని సార్లు వారిని గుర్తు పట్టలేనంతగా. ఒక‌ప్పుడు వెండితెర‌పై నాజూకు అందాల‌తో కుర్ర‌కారు గుండెల్ను కొల్ల‌గొట్టిన అందాల భామ‌లు సినిమాల త‌రువాత నాటి హీరోయిన్ ఈమేనా అని ఆశ్చ‌ర్య‌ప‌డేంత‌లా మారిపోతుంటారు. ప్రేక్ష‌క‌లోకం గుర్తుపంట‌లేనంత‌గా మార్పులు సంత‌రించుకుంటుంటారు. ఇప్పుడు ఈ తాజాగా నాటి ‘గులాబీ’ సినిమాతో కుర్ర‌కారు గుండెల్లో అంద‌మైన ముళ్లు గుచ్చిన మ‌హేశ్వ‌రీ కూడా చేరిపోయారు.
మ‌హేశ్వ‌రీ అంటూ ఈ త‌రానికి పెద్ద‌గా తెలీక‌పోవ‌చ్చు. కానీ ద‌ర్శ‌కుడు కృష్ణ వంశీ తీసిన గులాబీ సినిమతో త‌న న‌ట విశ్వ‌రూపం చూపి కుర్ర‌కారును ఉర్రూత‌లూగించిన న‌టి హీరోయిన్ అప్ప‌ట్లో ఇటు టాలీవుడ్ అటు కోలీవుడ్‌లో ఒక వెలుగు వెలిగారు. నిర్మాత‌లు, ద‌ర్శ‌కులు ఆమె డేట్స్ కోసం క్యూ క‌ట్టేంత బిజీగా ఆమె అప్ప‌ట్లో సినిమాలు చేశారు. అలా కెరీర్ పీక్‌గా ఉన్న స‌మ‌యంలోనే మ‌హేశ్వ‌రీ న‌ట‌నకు స్వ‌స్తి ప‌లికి వెండితెర‌పైన క‌నిపించ‌కుండా పోయారు. ఇప్పుడు గుర్తు పట్టలేనంతగా మారిపోయారు.
ఇటీవ‌ల ఆమె బాలీవుడ్ యంగ్ బ్యూటీ జాన్వీ క‌పూర్‌తో క‌లిసి ఉన్న ఫొటోను జాన్వీ క‌పూర్ సోష‌ల్ మీడియా ద్వారా పంచుకున్నారు. జాన్వీ క‌పూర్ అల‌నాటి అందాల తార శ్రీదేవి, బోనీక‌పూర్ల గారాల ప‌ట్టి. మ‌హేశ్వ‌రీకి శ్రీదేవి స్వ‌యాన చిన్న‌మ్మ అవుతారు. అయితే మ‌హేశ్వ‌రీకి శ్రేదేవిని ప‌ప్ప‌క్కా అని పిల‌వ‌డం అల‌వాట‌వ‌డంతో చాలా మంది శ్రీదేవి, మ‌హేశ్వ‌రీ ఇద్ద‌రూ అక్కా చెల్లెళ్లుగా భావిస్తుంటారు. మ‌హేశ్వ‌రీకి శ్రీదేవి కూతుళ్ల‌తో అనుబంధం చాలా ఎక్కువ. శ్రీదేవి మ‌ర‌ణించాక ఆమె చాలా సార్లు ఆమె కూత‌ళ్ల వ‌ద్ద‌కు వెళ్లి వ‌స్తుంటారు.
బాలీవుడ్‌లో ఇప్పుడు స్టార్ హీరోయిన్‌గా వెలుగొందుతున్న జాన్వీక‌పూర్‌కు కూడా త‌న పిన్ని మ‌హేశ్వ‌రీ అంటే చాలా ఇష్టం. ఈ క్ర‌మంతో ఇటీవ‌ల మ‌హేశ్వ‌రీతో తాను స‌ర‌దాగా గ‌డుపుతున్న ఫొటోను జాన్వీ క‌పూర్ త‌న అభిమానుల‌తో సోష‌ల్ మీడియాలో పంచుకున్నారు. ఈ ఫొటోలు సామాజిక మాద్య‌మాల్లో య‌మా చ‌క్క‌ర్లు కొడుతున్నాయి. అయితే నెటిజ‌న్లు ఎక్కువ‌గా ఫొటోలో ఉన్న జాన్వీ క‌పూర్ ను చూస్తూ ఆమెను గుర్తుంచుకున్నారు త‌ప్ప మ‌హేశ్వ‌రీని చాలా మంది గుర్తు ప‌ట్ట‌లేక‌పోయార‌ట. ప్రేక్ష‌కులు గుర్తుప‌ట్ట‌లేనంత‌గా ఆమె మార‌పోయార‌ని కొంత‌మంది నెటిజ‌న్లు కామెంట్లు కూడా చేశార‌ట.
అప్ప‌ట్లో మ‌హేశ్వ‌ర త‌న స‌హ‌జ‌సిద్ధ‌మైన అందం, అభిన‌యంతో యువ ప్రేక్ష‌కుల గుండెల్లో చెర‌గ‌ని ముద్ర వేసుకున్నారు. రామ్‌గోపాల్ వ‌ర్మ కృష్ణ వంశీ ద‌ర్శ‌క‌త్వంలో నిర్మించి గులాబీ సినిమాలో మ‌హేశ్వ‌రీ హీరోయిన్ చేసిన న‌ట‌న ప్రేక్ష‌కుల‌కు చిర‌స్థాయిగా నిలిచిపోయేలా చేసింది. ఆ సినిమా సూప‌ర్ డూప‌ర్ హిట్ అయి మ‌హేశ్వ‌రీకి అప్ప‌ట్లో అనేక అవ‌కాశాలు తీసుకొచ్చింది. వ‌డ్డే న‌వీన్‌తో ఆమె న‌టించిన పెళ్లి, జేడీ చ‌క్ర‌వ‌ర్తితో దెయ్యం, మృగం లాంటి సినిమాల్లో కూడా న‌టించి మంచి పేరు తెచ్చుకున్నారు.
