ప్రముఖ ప్రవచనకర్త గరికపాటి నరసింహారావు, మెగా అభిమానుల మధ్య రచ్చ తారస్థాయికి చేరిన సంగతి తెలిసిందే. మెగాస్టార్ చిరంజీవికి గరికపాటి క్షమాపణలు చెప్పాల్సిందేనంటూ చిరంజీవి అభిమానులు సోషల్ మీడియాలో యుద్ధం చేస్తున్నారు. ఇక కొన్ని చోట్ల అయితే చిరంజీవికి గరికపాటి క్షమాపణ కూడా చెప్పారని ప్రచారం జరుగుతోంది. కానీ, అధికారికంగా చిరంజీవికి గరికపాటి క్షమాపణలు చెప్పిన దాఖలాలు లేవు.
దీంతో, గరికపాటిపై మెగా అభిమానులు విపరీతంగా ట్రోల్ చేస్తున్నారు. ఇక, ఈ వ్యవహారంలోకి వర్మ ఎంట్రీ ఇవ్వడంతో వివాదం ముదిరి పాకాన పడింది. గరికపాటిపై సెటైరికల్ గా వర్మ చేసిన ట్వీట్లు దుమారం రేపుతున్నాయి. ఈ నేపథ్యంలోనే గతంలో చిరంజీవిపై గరికపాటి చేసిన వ్యాఖ్యల వీడియో ఒకటి తాజాగా వైరల్ అయింది. ఓపెన్ హార్ట్ విత్ ఆర్కే కార్యక్రమంలో పాల్గొన్న గరికపాటి….చిరంజీవి రాజకీయ జీవితంపై చేసిన వ్యాఖ్యలు ఇప్పుడు దుమారం రేపుతున్నాయి.
2013లో ఆ షోలో పాల్గొన్న గరికపాటిని ఏబీఎన్ ఆంధ్రజ్యోతి ఎండి రాధాకృష్ణ ఒక ప్రశ్న అడిగారు. రాజకీయాలపై కూడా మీరు నిర్మొహమాటంగా విమర్శలు చేస్తారా అని ఆర్కే ప్రశ్నించారు. చిరంజీవి పార్టీ పెట్టిన కొత్తలో తనకు ఒక దత్త పది ఇచ్చారని, అందులో చిరంజీవి నటించిన ఖైదీ, ఠాగూర్ వంటి సినిమాల పేర్లు ఉన్నాయని గరికపాటి అన్నారు. చిరంజీవి అధికారంలోకి వస్తే ఏం చేస్తారు అని అడిగారని చెప్పారు.
అయితే, మన అదృష్టమో…ఆయన అదృష్టమో తెలియదుగానీ చిరంజీవి అధికారంలోకి రాలేదని గరికపాటి వ్యంగ్యంగా మాట్లాడారు. చిరంజీవిపై గరికపాటి పదేళ్ల క్రితం చేసిన కామెంట్ల పాత వీడియో తాజాగా మెగా అభిమానుల చేతికి అస్త్రంగా మారింది. దీంతో ఆల్రెడీ గరికపాటిపై నడుస్తున్న వివాదానికి ఈ వీడియో ఆద్యం పోసినట్లయింది. దీంతో, చిరంజీవిపై ఇటీవల గరికపాటి చేసిన కామెంట్లు కాకతాళీయం కాదని, చాలా కాలం నుంచే చిరుపై గరికపాటికి అక్కసు, అసూయ ఉన్నాయని మెగా అభిమానులు అంటున్నారు. అందుకే, అలయ్ బలయ్ లో మరోసారి తన అక్కసును ఆయన వెళ్లగక్కారని ట్రోల్ చేస్తున్నారు.
https://twitter.com/i/status/1579390398346461184
