ఏపీ డిప్యూటీ సీఎం పవన్ కల్యాణ్ కు మాజీ మంత్రి రోజా తాజాగా ఓ సవాల్ విసిరారు. తాను, పవన్ పిఠాపురంలో పర్యటిస్తామని, ఎవరికి ఎక్కువ మంది జనం వస్తారో చూద్దామని రోజా చేసిన ఛాలెంజ్ వైరల్ గా మారింది. ఓ ఇంటర్వ్యూ సందర్భంగా రోజా గతంలో చేసిన వ్యాఖ్యలను యాంకర్ ప్రస్తావించగా రోజా ఈ విధంగా రియాక్ట్ అయ్యారు. గతంలో రోజా ఆ ఛాలెంజ్ చేేసినపుడు ఆయన ఎమ్మెల్యే కాదని, కానీ, ఇప్పుడు పిఠాపురంలో భారీ మెజారిటీతో గెలిచారని యాంకర్ చెప్పారు.
అయినా సరే ఇప్పటికీ తన మాటకు కట్టుబడి ఉన్నానని రోజా చెప్పారు. అయితే, పిఠాపురంలో రేప్ నకు గురైన అమ్మాయి ఇంటికి, వరద ముంపు ప్రాంతాలలో పర్యటించేందుకు పవన్ సిద్ధమా అని రోజా మెలిక పెట్టారు. రోజాది ఓవర్ కాన్ఫిడెన్స్ అని యాంకర్ అంటుండగా…తాను వాస్తవాలు చెబుతున్నానని రోజా అన్నారు. 11 సీట్లు వచ్చిన జగన్ ను విమర్శిస్తోన్న పవన్గతంలో 2 సార్లు ఓడిపోయిన విషయాన్ని, ఒకే ఎన్నికల్లో రెండు చోట్ల ఓటమిపాలైన విషయాన్ని గుర్తుంచుకోవాలని, అటువంటి పవన్ రాజకీయ సన్యాసం తీసుకోవాలని రోజా అన్నారు.
ఇక, పవన్ సొంత బలంతో ఎప్పుడూ గెలవలేదని, టీడీపీ, బీజేపీల బలంతో గెలిచారని చెప్పారు. నగరి నుంచి 2 సార్లు ఓడిపోయినా…సొంతగా పోటీ చేశానని, రాబోయే ఎన్నికల్లో గెలుపుపై ధీమా ఉందని చెప్పారు. అదే సమయంలో ఏ పార్టీతో పొత్తు లేకుండా సొంతగా పవన్ గెలవగలరా అని రోజా ఛాలెంజ్ చేశారు. పవన్ కు రోజా సవాల్ విసిరిన వీడియో ఇపుడు వైరల్ అయింది.
