టాలీవుడ్ స్టైలీష్ స్టార్ అల్లు అర్జున్, విలక్షణ దర్శకుడు సుకుమార్, సెన్సేషనల్ మ్యూజిక్ డైరెక్టర్ దేవీ శ్రీ ప్రసాద్….ఈ ముగ్గురి కాంబోలో వచ్చిన ఆర్య, ఆర్య-2 చిత్రాలు మ్యూజికల్ బ్లాక్ బస్టర్ లుగా నిలిచిన సంగతి తెలిసిందే. డీఎస్పీ బీట్ కి బన్నీ స్టెప్పులు తోడైన ప్రతిసారి మెగా ఫ్యాన్స్ ఈలలతో థియేటర్లు మోత మోగిపోయాయి. ఇక, ఈ ముగ్గురి డెడ్లీ కాంబోలో రాబోతోన్న పుష్ప చిత్రం కూడా మరో మ్యూజికల్ బ్లాక్ బస్టర్ అవుతుందని టాలీవుడ్ లో అంచనాలున్నాయి.
ఆ అంచనాలకు తగ్గట్లుగానే…ఈ చిత్రం నుంచి తాజాగా విడుదలైన ఐటం సాంగ్ ప్రొమో వైరల్ అయింది. దాక్కో దాక్కో మేక…పులొచ్చి కొరుకుద్ది పీక అంటూ…మాస్ ను ఉర్రూతలూగిస్తున్న ఈ పాట ప్రోమో ట్రెండింగ్ లో ఉంది. ఆగస్టు 13న దాక్కో దాక్కో మేక ఫుల్ వెర్షన్ రిలీజ్ చేయనుంది చిత్ర యూనిట్. ఈ ప్రోమోలో బన్నీ నోటితో పెద్ద కత్తి పట్టుకొని సీరియస్ లుక్లో కనిపిస్తుండగా…పక్కనున్న లేడీ డ్యాన్సర్స్ ఈ ఐటం సాంగ్ కు మరింత ఊపు తెచ్చారు. సింగర్ శివమ్ ఆలపించిన ఈ పాటకు చంద్రబోస్ సాహిత్యం అందించారు.
ఇక ఈ పాటను ఐదు భాషలలో ఐదుగురు ఫేమస్ సింగర్స్ పాడారు. ఆల్రెడీ తమిళ్, హిందీ, కన్నడ, మలయాళ భాషల ప్రోమోలు విడుదల కాగా…తాజాగా తెలుగు వెర్షన్ ప్రోమో రిలీజ్ అయింది. పాన్ ఇండియా లెవల్లో సుకుమార్ తెరకెక్కిస్తున్న పుష్ప సినిమా రెండు భాగాలుగా రానుంది. లారీ డ్రైవర్ పుష్పరాజ్ పాత్రలో బన్నీ పూర్తిగా డీ గ్లామర్ లుక్లో కనిపిస్తుండడం విశేషం. ఇప్పటికే ఈ చిత్రం నుంచి ఫస్ట్ లుక్ పోస్టర్, పుష్పరాజ్ ఇంట్రడ్యూస్ వీడియో వైరల్ అయ్యాయి. ఇక, దాక్కో మేక ప్రోమో వైరల్ కాగా…రేపు విడుదలయ్యే పాట ఎన్ని రికార్డులు బద్దలు కొడుతుందోనని బన్నీ ఫ్యాన్స్ వెయిట్ చేస్తున్నారు.
