“భోళా శంకర్” కాదు..”శంకర్ దాదా”నే..

మెగా స్టార్ చిరంజీవి టాలీవుడ్ లో సెకండ్ ఇన్నింగ్స్ మొదలుబెట్టిన తర్వాత ఫుల్ జోష్ లో ఉన్నారు. యంగ్ డైరెక్టర్లకు గ్రీన్ సిగ్నల్ ఇస్తున్న చిరు వరుస సినిమాలతో దూసుకుపోతున్నారు. ‘ఖైదీ నంబర్ 150’తో బ్లాక్ బస్టర్ రీ ఎంట్రీ ఇచ్చిన మెగాస్టార్…ఆ తర్వాత ‘సైరా నరసింహారెడ్డి’ వంటి పిరియాడికల్ మూవీతో చరిత్రాత్మక విజయాన్ని అందుకున్నారు. ఈ క్రమంలోనే మెహర్ రమేష్ దర్శకత్వంలో భోళా శంకర్ చిత్రానికి చిరు ఓకే చెప్పారు. ఈ నేపథ్యంలోనే మహా శివరాత్రి పర్వదినాన్ని పురస్కరించుకొని భోళా శంకర్ గా చిరు ఫస్ట్ లుక్ ను చిత్ర యూనిట్ విడుదల చేసింది.

తన అభిమానులకు మెగాస్టార్ చిరంజీవి మహాశివరాత్రి నాడు అదిరిపోయే గిఫ్ట్ ఇచ్చారు. జీప్ ముందు బంపర్ పై స్టైల్ గా కాలు మీద కాలేసుకొని కూర్చున్న చిరు…అంతకన్నా స్టైల్ గా తన చేతిలోని త్రిశూలం కీ చైన్ ను తిప్పుతున్న వీడియో వైరల్ అయింది. వైబ్స్ ఆఫ్ భోళా అంటూ చిరు ఈ వీడియోను తన ట్విటర్ ఖాతాలో షేర్ చేశారు. ఈ సందర్భంగా ప్రజలందరికీ మహాశివరాత్రి శుభాకాంక్షలు తెలిపారు చిరు.

అజిత్ నటించిన తమిళ బ్లాక్ బస్టర్ హిట్ ‘వేదాళం’ సినిమాకి రీమేక్ గా భోళా శంకర్ ను తెరకెక్కిస్తున్నారు. తమన్నా కథానాయికగా నటిస్తున్న ఈ సినిమాలో, చిరు చెల్లెలి పాత్రలో కీర్తి సురేశ్ కనిపించనుంది. మహతి స్వరసాగర్ సంగీతాన్ని సమకూర్చిన ఈ చిత్రాన్ని ఏకే ఎంటర్ టైన్ మెంట్ సంస్థ నిర్మిస్తోంది. కాగా, స్టార్ డైరెక్టర్ కొరటాల శివ దర్శకత్వంలో చిరు నటించిన ‘ఆచార్య’ చిత్రం విడుదలకు రెడీగా ఉంది. ఈ సినిమా నుంచి వచ్చిన పాటలు, అప్డేట్లు సినిమాపై అంచనాలను మరింత పెంచాయి.

Happy #MahaSivaratri to All !????

Here goes the #VibeOfBHOLAA #BholaaShankarFirstLook #BholaaShankar ????@MeherRamesh @AnilSunkara1 @tamannaahspeaks @KeerthyOfficial @dudlyraj #MahathiSwaraSagar @AKentsOfficial @BholaaShankar pic.twitter.com/XVxVYP5316

— Chiranjeevi Konidela (@KChiruTweets) March 1, 2022