ఊటీలో స్థ‌లం కొన్న‌ చిరంజీవి.. విలువెంతో తెలుసా..?

సౌత్ ఫిల్మ్ ఇండ‌స్ట్రీలో ఉన్న సంపన్న హీరోల్లో మెగాస్టార్ చిరంజీవి ఒక‌రు. సుధీర్గ కాలం నుంచి స్టార్ హీరోగా చ‌క్రం తిప్పుతున్న చిరంజీవికి హైద‌రాబాద్ లోనే కాకుండా బెంగ‌ళూరు, చెన్నై, విశాఖపట్నంతో స‌హా ప‌లు న‌గ‌రాల్లో సొంత ప్రాపర్టీలను క‌లిగి ఉన్నారు. అయితే రీసెంట్ గా చిరంజీవి తమిళనాడులోని ప్రముఖ పర్యాటక కేంద్రమైన ఊటీలోనూ ఖ‌రీదైన స్థ‌లాన్ని కొనుగోలు చేసిన‌ట్లు వార్త‌లు వ‌స్తున్నాయి.

ఊటీ అవుట్ స్కర్ట్స్ లో 5.5 ఎక‌రాల విస్తీర్ణంలో ఉన్న ప్రాప‌ర్టీని చిరంజీవి కొనుగోలు చేశారట‌. చుట్టూ ప‌చ్చ‌ని టీ తోటలు మ‌రియు మంచి వ్యూ పాయింట్ ఉండే ఒక కొండపై ఈ ప్రాప‌ర్టీ ఉంటుంద‌ట‌. దీని విలువ రూ.16 కోట్లకు పైనే ఉంటుంద‌ని ప్ర‌చారం జ‌రుగుతోంది. కొద్ది రోజుల క్రితం స్థలానికి సంబంధించి రిజిస్ట్రేషన్ పనులు కూడా కంప్లీట్ అయ్యాయ‌ని అంటున్నారు.

ఇక త్వ‌ర‌లోనే ఆ ఐదున్న‌ర ఎక‌రాల స్థ‌లంలో చిరంజీవి త‌న అభిరుచుల‌కు త‌గ్గ‌ట్లుగా అనుభ‌వం క‌లిగిన ఆర్కిటెక్స్ట్ ఆధ్వ‌ర్యంలో ఓ ఫామ్ హౌస్‌ నిర్మించ‌డానికి ఫ్లాన్ చేసుకుంటున్నార‌ట‌. రామ్ చ‌ర‌ణ్‌, ఉపాస‌న దంప‌తులు సైతం ఊటీ ప్రాప‌ర్టీని చూసొచ్చార‌ని టాక్‌. కాగా, సినిమాల విష‌యానికి వ‌స్తే.. చిరంజీవి ప్ర‌స్తుతం `విశ్వంభ‌ర‌` మూవీతో బిజీగా ఉన్నారు. మల్లిడి వసిష్ఠ డైరెక్ట్ చేస్తున్న ఈ సోసియో-ఫాంటసీ ఫిల్మ్ లో త్రిష హీరోయిన్ గా న‌టిస్తోంది. చిత్రీక‌ర‌ణ‌లో ద‌శ‌లో విశ్వంభ‌ర వ‌చ్చే ఏడాది సంక్రాంతికి థియేట‌ర్స్ లో సంద‌డి చేయ‌నుంది.