టీడీపీ అధినేత, 14 ఏళ్ల మాజీ ముఖ్యమంత్రి నారా చంద్రబాబు నాయుడు 73వ జ‌న్మ‌దినాన్ని పుర‌స్క‌రిం చుకుని ప్ర‌వాసాంధ్ర(ఎన్నారై ) టీడీపీ నేత‌ల ఆధ్వర్యంలో సిలికాన్ వాలీ లో నిర్వ‌హించిన కార్య‌క్ర‌మం విజ‌య‌వంతంగా జ‌రిగింది.
ఎన్నారై టీడీపీ అమెరికా కోఆర్డినేటర్ జయరాం కోమటి మాట్లాడుతూ, చంద్రబాబు 1998 లో ముఖ్యమంత్రి గా సిలికాన్ వాలీ లో పర్యటించిన విశేషాలను గుర్తు చేస్తూ, చంద్రబాబు తో తన అనుబంధాన్ని వివరించి, 2024 లో మరల ముఖ్యమంత్రి కావలసిన చారిత్రాత్మక అవసరాన్ని విశ్లేషించి, చంద్రబాబు 100 వ పుట్టినరోజు కూడా తన ఆధ్వర్యంలో జరిగాలని భగవంతుడ ని ప్రార్ధించారు.
అరుదైన నాయ‌కుల్లో చంద్రబాబు ఒక‌రు: రవి మందలపు!
క్ర‌మశిక్ష‌ణ పాటించే చాలా త‌క్కువ మంది అరుదైన నాయ‌కుల్లో టీడీపీ అధినేత చంద్రబాబు ఒక‌రని కార్య‌క్ర‌మానికి ముఖ్య అతిథిగా హాజరైన టీడీపీ సీనియ‌ర్ నాయ‌కుడు, చంద్రబాబుకు అత్యంత ఆత్మీయులలో ఒకరైన రవి మందలపు పేర్కొన్నారు.
ఈ కార్య‌క్ర‌మంలో ఆయ‌న మాట్లాడుతూ, చంద్రబాబు స్థిత ప్ర‌జ్ఞ‌త ఉన్న నాయ‌కుడ‌న్నారు.
ఎప్పుడు క‌లిసినా, ఆయ‌న ఏదో ఒక విష‌యంపై తెలుసుకునే ప్ర‌య‌త్నం చేయ‌డ‌మో, వివ‌రించే ప్ర‌య‌త్న‌మో చేస్తార‌ని చెప్పారు.
ఏడాది త‌ర్వాత, అధికారంలోకి రాగానే, వంటిల్లును కేంద్రంగా చేసుకుని అనారోగ్య స‌మ‌స్య‌ల‌కు చికిత్స‌లు రూపొందించే అద్భుత కార్య‌క్ర‌మానికి చంద్రబాబు శ్రీకారం చుట్ట‌నున్నార‌ని తెలిపారు.
గ‌త నాలుగేళ్ల‌లో ఒక విధ్వంస‌క పాల‌నను అంద‌రూ చూశామ‌ని, కానీ, ఏడాదిలోనే ఏపీలో అద్భుతమైన చంద్రబాబు పాల‌న ప్రారంభం కానుంద‌ని ఆశాభావం వ్య‌క్తం చేశారు.
స్థానిక తెలుగుదేశం యువనేత రవి కిర‌ణ్ మాట్లాడుతూ, చంద్రబాబు వంటి నాయ‌కుడు ముందు త‌రా లకు ఆద‌ర్శ‌మ‌ని, చంద్రబాబు మార్గ‌ద‌ర్శ‌క‌త్వంలో ఏపీ ముందుకు సాగుతుంద‌ని, వ‌చ్చే ఎన్నిక‌ల్లో విజ‌యం చంద్ర‌బాబుదేన‌ని చెప్పారు.
ఈ కార్యక్రమాన్ని తెలుగుదేశం నేత వెంకట్ కోగంటి సమన్వయ పరిచారు.
ఈ కార్య‌క్ర‌మంలో విజయ్ గుమ్మడి, లక్ష్మణ్ పరుచూరి, గోకుల్ రాచవరపు, జోగి నాయుడు, వెంకట్ అడుసుమల్లి, హరి సన్నిధి, వెంకట్ గొంప, కోటిబాబు కోటిన, భాస్కర్ అన్నే, మోహన్ , కళ్యాణ్ కోట, స్వరూప్ వాసిరెడ్డి, రవి , సాయి ఖమాబాపతి ,మధు కందేపి సాయి యనమదల, పాములు నారాయణ వినయ్ యలమర్తి, భరణి యాతం, రమేష్ నాయుడు, వీరు వుప్పల, సుభాష్ ఆర్, రవికిరణ్ ఆలేటి, రవి ఆలపాటి, సతీష్ బొల్ల, ప్రకాష్ ఎన్, తమిళనాడు ఎన్నారై టీడీపీ నేత కుమార్ వేల్ తదితరులు పాల్గొన్నారు.
ట్రై వాలీలో చంద్రబాబు పుట్టినరోజు వేడుకలు!
అమెరికాలోని కాలిఫోర్నియాలో ఉన్న శాన్ రామ‌న్‌లో నిర్వ‌హించిన ఈ వేడుక‌ల‌కు ట్రైవాలీలోని ప్ర‌ముఖులు విచ్చేశారు.
టీడీపీ కుటుంబ సభ్యుల మాదిరిగా ప్ర‌తి ఒక్క‌రూ ఈ కార్య‌క్ర‌మానికి హాజ‌ర‌య్యారు.
ఈ సంద‌ర్భంగా చంద్రబాబుకు శుభాకాంక్షలు తెలిపి మ‌రిన్ని పుట్టిన రోజులు జ‌రుపుకోవాల‌ని ఆకాంక్షిం చారు.
అదేస‌మ‌యంలో టీడీపీ త‌ర‌ఫున ఏవిధంగా ప‌నిచేయాల‌నే విష‌యంపై ప్ర‌ధానంగా చ‌ర్చించి, వ‌చ్చే ఎన్నిక‌ల్లో ఏపీలో తెలుగు ఓట‌ర్ల‌ను టీడీపీ కి సానుకూలంగా ఎలా మ‌ల‌చాల‌నే విష‌యంపైనా, పార్టీకి మ‌ద్ద‌తుగా ఎలా నిల‌వాల‌నే విషయాల పై తీర్మానాలు చేశారు.
ఈ కార్య‌క్రమాన్నిస్థానిక తెలుగుదేశం నేత యంవి రావు సమన్వయ పరచగా, దిగ్విజ‌యం చేయ‌డంలో గీత ఆలపాటి, శిల్ప మ‌ద్దినేని ముఖ్య‌పాత్ర పోషించారు.
సురేష్ పోతినేని, అజ‌య్ న‌ల్లూరి, రామ్‌ప్ర‌సాద్‌, కేశ‌వ్‌, రంగ నాయ‌క‌మ్మ తదితరులు పాల్గొన్నారు.
