‘అఖండ’ చిత్రం సూపర్ డూపర్ హిట్ కావడంతో నందమూరి నటసింహం, మాస్ కా బాప్ నందమూరి బాలకృష్ణ మంచి ఊపు మీదున్న సంగతి తెలిసిందే. తన కెరీర్ లోనే హయ్యెస్ట్ గ్రాసర్ గా అఖండతో కరోనా కోరల్లో చిక్కుకొని కొట్టుమిట్టాడుతున్న టాలీవుడ్ కు కొత్త జోష్ ఇచ్చారు బాలయ్య. అఖండ తర్వాత వరుసగా సినిమాలను పట్టాలెక్కించిన బాలయ్య….దర్శకుడు గోపీచంద్ మలినేనితో 107వ సినిమా చేస్తున్న సంగతి తెలిసిందే.
మాస్ డైరెక్టర్ గా మంచి పేరున్న గోపీచంద్ మలినేని, మాస్ కా బాప్ బాలయ్యల కాంబోలో రాబోతోన్న ఈ చిత్రంపై విపరీతమైన క్రేజ్ ఏర్పడింది. ఆ క్రేజ్ కు తగ్గట్టుగానే NBK 107 నుంచి విడుదలైన బాలయ్య లుక్ వైరల్ అయింది. ఈ సినిమాలో పంచె కట్టు, కళ్లకు కూలింగ్ గ్లాసెస్, పక్కనే లాండ్ రోవర్ డిఫెండర్ ఎస్ యూవీతో ఉన్న బాలయ్య లుక్ వైరల్ అయింది. సాల్ట్ అండ్ పెప్పర్ లుక్ తో బాలయ్య బాబును చూసి ఫ్యాన్స్ ఫుల్ జోష్ లో ఉన్నారు.
ఈ క్రమంలోనే ఈ సినిమా నుంచి మరో అదిరిపోయే అప్డేట్ వచ్చింది. నిజ జీవిత ఘటనల ఆధారంగా తెరకెక్కిస్తున్న ఈ సినిమాలో ఓ మాస్ ఐటమ్ సాంగ్ ఉందట. అంతేకాదు, ఈ ఐటమ్ సాం్ లో ‘ఖిలాడి’ బ్యూటీ డింపుల్ హయతి బాలయ్యతో కలిసి స్టెప్పులు వేయనుందని ప్రచారం జరిగింది. ఆ పాట కోసం డింపుల్ భారీ పారితోషికం డిమాండ్ చేసిందని కూడా ప్రచారం జరిగింది. అయితే,.ఈ ఐటెం సాంగ్ కోసం చంద్రికా రవి అనే మోడల్ ను రంగంలోకి దింపారని తెలుస్తోంది..
‘చీకటి గదిలో చితకొట్టుడు’ అనే సినిమాలో నటించిన చంద్రికా..బాలయ్యతో చిందులేయబోతోందట. శేఖర్ మాస్టర్ కొరియోగ్రఫీ అందిస్తున్న ఈ పాటను హైదరాబాద్ లోని రామోజీ ఫిలిం సిటీలో నిర్మించిన సెట్ లో చిత్రీకరిస్తున్నారట. ఈ క్రమంలోనే దీనికి సంబంధించిన ఫొటోను చిత్రబృందం షేర్ చేసింది. బాలయ్య, గోపీచంద్ మలినేని, శేఖర్ మాస్టర్, తమన్ లు ఈ ఫొటోలో ఉన్నారు. కచ్చితంగా బాలయ్య అభిమానులతో ఈ ఐటమ్ సాంగ్ థియేటర్లో స్టెప్పులేయిస్తుందని అంటున్నారు.
