19 నెలల జగన్ పాలనలో 130 ఆలయాలపై దాడులు జరిగాయి. ఇంత గొడవ జరుగుతున్నా పోలీసులు ఎలుకలు విగ్రహం ధ్వంసం చేశాయని బరితెగించి చెబుతున్నారని తెలుగుదేశం నేత పట్టాభి ధ్వజమెత్తారు.
చర్చిపై దాడి జరిగితే 45 మందిని అరెస్టు చేసిన పోలీసులు 130 ఆలయాలపై దాడి జరిగితే ఏం చేస్తున్నారని నిలదీశారు. నిన్న అశోకగజపతిరాజును నోటికొచ్చినట్లు మాట్లాడిన మంత్రి వెల్లంపల్లి… ఈరోజు ఆయన ఇంటి పక్కనే సీతమ్మ విగ్రహం ధ్వంసం చేస్తే ఏం సమాధానం చెబుతారని ప్రశ్నించారు.
వెల్లంపల్లి… నీ ప్రోద్బలంతోనే అధికారులు ఈ రకంగా మాట్లాడుతున్నారా అని ప్రశ్నించారు. దేవాలయాల్లో దాడులు జరిగితే ఎలుకలపై నెట్టేయమని అధికారులకు ట్రైనింగ్ ఇచ్చి పంపించావా నువ్వు ? అని పట్టాభి ఫైర్ అయ్యారు.
నిన్న చెప్పులతో కొట్టారు సాయిరెడ్డిని, మిమ్మల్ని దేవుడే కాదు, ప్రజలు కూడా క్షమించరు సాయిరెడ్డి, జగన్ రెడ్డి, వెల్లంప్లీ అంటూ… అని పట్టాభి హెచ్చరించారు.
