బుల్లితెర ప్రేక్షకులను అలరిస్తున్న బిగ్ బాస్ ఎనిమిదో సీజన్ త్వరలో మొదలుకీబోతున్నది. ఇప్పటికే ఏడు సీజన్లను సక్సెస్ ఫుల్ గా కంప్లీట్ చేసుకున్న ఈ సెలబ్రిటీ రియాలిటీ షో ఆగస్టు చివరి వారం లేదా సెప్టెంబర్ మొదటి వారంలో బిగ్ బాస్ ఎనిమిదో సీజన్ ప్రారంభం కావచ్చని సమాచారం.
ఈసారి హౌజ్ లోకి అడుగు పెట్టే కంటెస్టెంట్ల వివరాలు సోషల్ మీడియాలో చక్కర్లు కొడుతున్నాయి. ఇందులో పలువురు సోషల్ మీడియా సెలబ్రిటీలు, యూట్యూబర్లు, ఇన్‌ఫ్లూయెన్సర్లు ఉన్నారు. ఈ నేపథ్యంలో ఈసారి బిగ్ బాస్ హౌస్ లో ప్రముఖ జ్యోతిష్యుడు వేణు స్వామి కంటెస్టెంట్‌గా రానున్నారని సమాచారం. ప్రముఖుల జాతకాలు, సినీ ప్రముఖుల జాతకాలు చెబుతూ వార్తల్లో నిలుస్తోన్న ఆయనకు రెండు తెలుగు రాష్ట్రాల్లో గుర్తింపు ఉంది.
మనసులో ఉన్నది ఉన్నట్లు బోల్డ్ గా మాట్లాడే వేణుస్వామి లాంటి వాళ్లు బిగ్ బాస్ హౌస్ కంటెంట్ కు కలిసి వస్తుందని నిర్వాహకులు భావిస్తున్నట్లుగా తెలుస్తుంది. వేణుస్వామి ప్రత్యేక పూజల ద్వారా భారీగా సంపాదిస్తారు. మరి 100 రోజులు బిగ్ బాస్ హౌస్ లో ఉండగలరా అన్న అనుమానాలు ఉన్నాయి.
ఈ నేపథ్యంలో ఆయనకు ఈ సీజన్ లోనే అత్యధిక రెమ్యునరేషన్ అందిస్తామని అఫర్ చేసినట్లు చెబుతున్నారు. ఇంతకుముందే ఈసారి హౌస్ లోకి సోషల్ మీడియాలో ఫేమస్ అయిన కుమారి ఆంటీ వస్తుందని వార్తలు వచ్చాయి. ఈ లెక్కన ఈసారి బిగ్ బాస్ తెలుగు ప్రేక్షకులను అలరిస్తుందనే చెప్పాలి.
