రాజేంద్రప్రసాద్, బ్రహ్మానందం ఇద్దరినీ మిక్సీలో వేసి ఒక కొత్త నటుడిని తయారుచేస్తే అతనే మన జాతిరత్నం నవీన్ పొలిశెట్టి. అతనికి తగ్గట్టే యువ సంచలనం అని మంచి పేరెట్టేశారు.
నవీన్ పోలిశెట్టి, జాతి రత్నాలుతో బ్లాక్‌బస్టర్ ఇచ్చిన తర్వాత, ఇప్పుడు మరో కామెడీ కేపర్‌తో మనల్ని గిలిగింతలు పెట్టడానికి తిరిగి వచ్చాడు.
అనగనగా ఒక రాజు …. అనే మోస్ట్ ఐడెంటికల్ టైటిల్ పెట్టడంతో జనాల్లోకి బలంగా తీసుకెళ్లే ప్రయత్నం చేశారు నిర్వహకులు.
సినిమా టైటిల్ ను రివీల్ చేసేందుకు మేకర్స్ స్పెషల్ టీజర్ ను రిలీజ్ చేయగా అది భారీగా వైరల్ అవుతోంది.
ఈ చిత్రానికి కళ్యాణ్ శంకర్ దర్శకత్వం వహిస్తున్నారు. టీజర్‌లో నవీన్‌ను రాజుగా ప్రదర్శించారు. అంటే రాజు కాదు… మామ దగ్గర రాచ మర్యాదలు పొందుతున్న అల్లుడు అనుకోండి. పెళ్లి సందడితో టీజర్ కళకళాడింది. నవీన్ సెటైర్లతో అదిరిపోయింది.
త్వరలో షూట్ స్టార్ట్ చేస్తారట. అంటే నవీన్ దసరా బుల్లోడవుతాడన్నమాట.
