టాలీవుడ్ సక్సెస్ ఫుల్ డైరెక్టర్ ‘మహా రాజ’మౌళి తెరకెక్కించిన ‘ఆర్ఆర్ఆర్’ చిత్రం సూపర్ హిట్ టాక్ తో దూసుకుపోతోన్న సంగతి తెలిసిందే. ఇరు తెలుగు రాష్ట్రాలతోపాటు ఓవర్సీస్ లోనూ రికార్డు కలెక్షన్లు కొల్లగొడుతూ బాక్సాఫీస్ ను షేక్ చేస్తోంది. ఈ చిత్రం సక్సెస్ కావడంతో రాజమౌళి, తారక్, చరణ్ లు తమ సోషల్ మీడియా ఖాతాల్లో ఫ్యాన్స్ కు, సినీ ప్రియులకు ధన్యవాదాలు చెబుతూ పోస్టులు చేశారు.
కానీ, ఈ చిత్రంలో చెర్రీకి జోడీగా నటించిన ఆలియా భట్ మాత్రం ఇంతవరకు ఈ చిత్రం గురించి కనీసం ట్వీట్ కూడా చేయలేదు. ఈ క్రమంలోనే తాజాగా రాజమౌళిని తన ఇన్ స్టా గ్రామ్ ఖాతాలో ఆలియా భట్ అన్ ఫాలో చేసినట్లు తెలుస్తోంది. సినిమాలో తన పాత్ర నిడివి, సీన్స్ చాలా తక్కువగా ఉండడంతోనే ఈ నిర్ణయం తీసుకున్నట్లు తెలుస్తోంది.
దక్షిణాదిన తొలి సినిమా…అందులోనూ రాజమౌళి డైరెక్షన్ అనగానే ఆలియా వెంటనే గ్రీన్ సిగ్నల్ ఇచ్చిందట. అయితే, ఎన్నో ఆశలతో ఈ ప్రాజెక్ట్ లోకి అడుగుపెట్టిన అలియా..తనకు జక్కన్న షాకిచ్చారని ఫీలవుతోందట. సినిమా విడుదలకు ముందు ప్రమోషన్స్ లో జోరుగా పాల్గొన్న ఆలియా…సినిమా విడుదలైన తర్వాత మాత్రం సైలెంట్ అయిపోయిందట.
స్క్రీన్ పై తన పాత్రకు పెద్దగా స్పేస్ లేకపోవడంతో చాలా డిజప్పాయింట్ అయిందట. ఈ క్రమంలోనే తన ఇన్స్టాగ్రామ్ ఖాతా నుంచి రాజమౌళిని అన్ ఫాలో చేసిన ఆలియా..’ఆర్ఆర్ఆర్’ చిత్రానికి సంబంధించిన పలు పోస్టులను కూడా డిలీట్ చేయడం ఇపుడు హాట్ టాపిక్ గా మారింది. అయితే, ఆ సినిమాలో ఆ పాత్ర పరిధి మేరకు మంచి స్పేస్ దక్కిందని, అప్పటికే 3గంటల నిడివి ఉండడంతో కొన్ని సీన్లు కత్తిరించక తప్పలేదని జక్కన్న అభిమానులు అంటున్నారు.
