మాస్ కా బాప్, నందమూరి నటసింహం బాలకృష్ణ నటించిన ‘అఖండ’ బాక్సాఫీస్ రికార్డులను బద్లలు కొట్టిన సంగతి తెలిసిందే. మాస్ డైరెక్టర్ బోయపాటితో బాలయ్య హ్యాట్రిక్ హిట్ కొట్టాడు. 103 థియేటర్లలో అఖండ సినిమా 50 రోజులను పూర్తిచేసుకున్న అఖండ…200 కోట్ల క్లబ్ లోనూ చేరి అరుదైన రికార్డును సొంతం చేసుకుంది. ఇక, తాజాగా అఖండ మరో అరుదైన రికార్డును సొంతం చేసుకునేందుకు అడుగు దూరంలో నిలిచింది.
బ్లాక్ బస్టర్ హిట్ సినిమాలు కూడా కేవలం జత దినోత్సవాలకే పరిమితమవుతున్న ఈ రోజుల్లో అఖండ శత దినోత్సవం వైపు పరుగులు పెడుతోంది.
డిసెంబర్ 2న విడుదలైన ఈ భారీ చిత్రం…ఫిబ్రవరి 11వ తేదీనాటికి 100 రోజులను విజయవంతంగా పూర్తి చేసుకోనుంది. ఈ సందర్భంగా సినిమాను ఆదరించిన ప్రేక్షకులకు కృతజ్ఞతలు చెప్పాలని చిత్ర నిర్మాతలు భావిస్తున్నారు.
దీంతో, ఈ నెల 12న కర్నూల్ ఎస్టీబీసీ గ్రౌండ్స్ లో అఖండ ‘కృతజ్ఞత సభ’ను ఏర్పాటు చేశారు. ఫిబ్రవరి 12వ తేదీ సాయంత్రం 5 గంటల నుంచి ఈ కార్యక్రమం ప్రారంభం కానుంది. 100 కోట్ల క్లబ్ లు…తొలి వారం కలెక్షన్ల లెక్కలే పరమావధిగా ఉన్న ఈ రోజుల్లో 100 డేస్ ఫంక్షన్ జరుపుకుంటున్న ఏకైక సినిమా అఖండ కావడం విశేషం. అయితే, ఈ కార్యక్రమానికి ఎవరెవరు హాజరు కాబోతున్నారన్న దానిపై స్పష్టత రావాల్సి ఉంది. బాలయ్య కచ్చితంగా ఈ కార్యక్రమానికి వస్తారని అనుకుంటున్నారు.
