ప్ర‌ముఖ టాలీవుడ్ హీరోయిన్ మేఘా ఆకాష్ పెళ్లి సెట్ అయింది. తర్వ‌లోనే ఈ ముద్దుగుమ్మ త‌న ప్రియుడితో ఏడ‌డుగులు వేయ‌బోతోంది. సాయి విష్ణు అనే వ్య‌క్తితో కొంత కాలం నుంచి ప్రేమాయ‌ణం న‌డుపుతున్న మేఘా ఆకాష్.. ఇప్పుడు అత‌నితోనే మూడు ముళ్లు వేయించుకునేందుకు సిద్ధ‌మ‌వుతోంది.
ఆగ‌స్టు 22న కేర‌ళ‌లో సాయి విష్ణు, మేఘా ఆకాష్‌ల నిశ్చితార్థ వేడుక జ‌రిగింది. కుటుంబ స‌భ్యులు, అత్యంత స‌న్నిహితుల స‌మ‌క్షంలో వీరు ఉంగ‌రాలు మార్చుకున్నారు. ఎంగేజ్మెంట్ అనంత‌రం ఇన్‌స్టాగ్రామ్ ద్వారా మేఘా ఆకాష్ త‌న‌కు కాబోయే భ‌ర్త‌ను ప‌రిచ‌యం చేసింది. `నా కోరిక నిజమైంది.. ప్రేమ, న‌వ్వులు, ఆనందం ఇక నీతోనే.. నా లైఫ్ కి ప్రేమ‌ను ప‌రిచ‌యం చేసిన వ్య‌క్తితో నిశ్చితారం చేసుకున్నాను` అని పేర్కొంటూ ఎంగేజ్మెంట్స్ పిక్స్ షేర్ చేసింది.
ప్ర‌స్తుతం ఈ ఫోటోల‌ను నెట్టింట వైర‌ల్ గా మార‌డంతో.. మేఘా ఆకాష్ కు సెల‌బ్రిటీలు, అభిమానులు మ‌రియు నెటిజ‌న్లు శుభాకాంక్ష‌లు చెబుతున్నారు. కాగా, చెన్నైలో పుట్టి పెరిగిన మేఘా ఆకాష్.. నితిన్ హీరోగా తెర‌కెక్కిన `లై` మూవీతో హీరోయిన్ గా కెరీర్ స్టార్ట్ చేసింది. ఈ చిత్రంలో మేఘా అందానికి, అభిన‌యానికి ప్రేక్ష‌కులు ఫిదా అవ్వ‌డంతో.. ఆమెకు మ‌రిన్ని అవ‌కాశాలు త‌లపు త‌ట్టాయి. లై అనంత‌రం తెలుగు, త‌మిళ్ భాష‌ల్లో మేఘా ప్ర‌ధానంగా న‌టించింది. యూత్ లో మంచి క్రేజ్ సంపాదించుకుంది. ప్ర‌స్తుతం తెలుగులో ప్రొడెక్ష‌న్ ద‌శ‌లో ఉన్న రెండు సినిమాల్లో మేఘా ఆకాష్ ప‌ని చేస్తోంది.
