అక్కినేని నాగార్జున సినిమా ‘వైల్డ్ డాగ్’ రిలీజవుతున్న విషయం తెలిసిందే. ఈ సందర్భాన్ని చిరంజీవితో కలిసి ఎంజాయ్ చేస్తున్నారు నాగార్జున. శుక్రవారం విడుదల కానున్న సందర్భంగా చిరంజీవి నాగార్జున కోసం చికెన్ వండిపెట్టారట.
ఆ సంతోషాన్ని నాగార్జున సోషల్ మీడియాలో షేర్ చేసుకున్నారు. ఆ ఫొటోనే ఇది.
వరుస డిజాస్టర్లతో అల్లాడిపోతున్న నాగార్జునకు ఈ సినిమా హిట్టవడం చాలా అవసరం. అందుకే రకరకాలుగా ప్రమోట్ చేస్తున్నారు. చివరికి చిరంజీవి సాయం కూడా తీసుకున్నారు. ఈ ఉత్కంఠ పరిస్థితిలో విడుదలకు ముందే నాగ్ సినిమా పైరసీ కావడం ఆయనతో పాటు అభిమానులను తీవ్ర ఆందోళనకు గురి చేసింది.
నాగ్ అభిమానులు వెంటనే స్పందించిన నిర్మాణ సంస్థ మ్యాట్నీ ఎంటర్టైన్మెంట్స్‌కు విషయం చేరవేశారు. వాళ్లు అలెర్ట్ అయి పైరసీ వెబ్ సైట్‌ నుంచి లింక్ తీయించారు. ఎక్కడైనా లింకులు కనిపిస్తే తమకు వెంటనే చెప్పాలని పిలుపునిచ్చారు.
