కరోనా తక్కువ అంచనా వేసిన కొద్దీ తన ప్రభావం చూపుతోంది. చేతికి చిక్కని ఈ వైరస్ ఇపుడు కొత్త వేరియంట్ రూపంలో గడగడలాడిస్తోంది.
100 దేశాలలో కరోనావైరస్ యొక్క డెల్టా వేరియంట్ బయటపడిందని, ప్రపంచం మహమ్మారి ప్రమాదంలో ఉందని ప్రపంచ ఆరోగ్య సంస్థ (డబ్ల్యూహెచ్‌ఓ) డైరెక్టర్ జనరల్ టెడ్రోస్ అధనామ్ ఘెబ్రేయేసస్ తెలిపారు.
పేదలు మరియు అభివృద్ధి చెందుతున్న దేశాలలో కొత్త వేరియంట్ వ్యాప్తి చెందడంపై ఆయన తీవ్ర ఆందోళన వ్యక్తం చేశారు. తత్ఫలితంగా, ఈ దేశాలలో ఎక్కువ మంది డెల్టా వేరియంట్ సంక్రమించి ఆసుపత్రిలో చేరే పరిస్థితి ఉండొచ్చన్నారు.
డెల్టా వేరియంట్ వృద్ధి చెందుతూ మ్యుటేషన్ ( పరివర్తన) చెందుతూనే ఉందని అన్నారు. అనేక దేశాలలో అది కీలక ప్రమాదకారిగా మారుతోందని టెడ్రోస్ పేర్కొన్నారు. “ప్రపంచంలో ఏ దేశమూ కోవిడ్ రహితమైనది కాదు” అని ఆయన అన్నారు.
