ఇటీవల హీరోగా వరస ఫ్లాప్ లతో డీలాపడిన నందమూరి కళ్యాణ్ రామ్… ప్రేక్షకులకు ఒక షాక్ లాంటి సర్ ప్రైజ్ ఇచ్చాడు.
మైథలాజికల్ స్టోరీ తో అదిరిపోయే టైటిల్ తో సడెన్ గా జనాల ముందుకు వచ్చేశాడు
క్రీస్తు పూర్వం నాటి మగధ సామ్రాజ్యానికి చెందిన ‘బింబిసార‘ అనే మహారాజు కథతో మన ముందుకు వచ్చారు కళ్యాణ్ రామ్.
టైటిల్ రివీల్ మోషన్ పోస్టరుతో సినిమాకు కొత్త హైప్ క్రియేట్ చేశాడు. పదుల సంఖ్యలో ప్రత్యర్థి సైనికులను రాశులుగా పడగొట్టి వారిపై కూర్చున్న ఈ పోస్టరు విశేషంగా ఆకట్టుకుంటోంది.
ఇటీవల తెలుగు హీరోలంతా చరిత్రలోకి వెళ్తున్నారు. చరిత్రకు పేరుతో తప్ప దేంతో సంబంధంలేని ఒక ఫిక్షన్ స్టోరీతో బాహుబలి సృష్టించిన రికార్డుల పుణ్యమా అని తెలుగు పరిశ్రమ చారిత్రక కథలపై మోజు పెంచుకుంది.
బాలకృష్ణ *గౌతమి పుత్ర శాతకర్ణి* కథతో అందరినీ అబ్బురపరిచాడు. తర్వాత చిరంజీవి సైరా సినిమాతో ఆకట్టుకున్నాడు. నిజానికి ఈ ట్రెండ్ మగధీరతో మొదలైంది. ఆ తర్వాత కంటిన్యూ అవుతోంది.
పవన్ కళ్యాణ్ కూడా ఇందులోకి ఎంటరైన విషయం తెలిసిందే. ‘హరిహర వీర మల్లు‘ పేరుతో విడుదలన ఒక టీజర్ విశేషంగా ఆకట్టుకుంది.
త్వరలో ప్రభాస్ ఆదిపురుష్ అంటూ రాముడి పాత్రలో వస్తున్నాడు. మొత్తానికి తెలుగు సినీ పరిశ్రమను చరిత్ర కొత్త హైకి తీసుకెళ్తోందనడంలోనే ఆశ్చర్యం లేదు.
ఖర్చులోను, కథలోను రాజీపడకుండా కళ్యాణ్ రామ్ తీస్తున్న ఈ సినిమా ఎలాంటి ఫలితాలను ఇస్తుందో వేచి చూడాలి.
