నందమూరి నటసింహం బాలకృష్ణ, మాస్ డైరెక్టర్ బోయపాటి శ్రీనివాస్ ల కాంబినేషన్ లో వచ్చిన సింహా, లెజెండ్ చిత్రాలు బ్లాక్ బస్టర్ హిట్ లుగా నిలిచిన సంగతి తెలిసిందే. ఈ నేపథ్యంలోనే బాలకృష్ణ .. బోయపాటి కాంబినేషన్లో రాబోతోన్న ‘అఖండ’ చిత్రంపై ఇటు టాలీవుడ్ లోనూ అటు బాలయ్య బాబు అభిమానుల్లోనూ భారీ అంచనాలున్నాయి. ఆ అంచనాలకు తగ్గట్టుగానే బాలకృష్ణ కెరియర్లోనే భారీ స్థాయి బడ్జెట్ తో రూపొందుతోందీ చిత్రం.
ఉగాది సందర్భంగా విడుదలైన బాలయ్య అఖండ లుక్ టీజర్‌ యూట్యూబ్ ను షేక్ చేసింది. ట్విటర్లో #RecordbreakingAkhandaRoar ట్రెండ్ అయింది. ఈ చిత్రంలో బాలయ్య బాబు అఘోర పాత్ర లుక్ ఫ్యాన్స్ కు పూనకాలు తెప్పిస్తోంది. ఆ పాత్ర లో బాలయ్య బాబు పర్ఫార్మన్స్ ఎలా ఉండబోతోందోనని నందమూరి అభిమానులు ఆసక్తిగా ఎదురుచూస్తున్నారు.
ఈ క్రమంలోనే తాజాగా ఈ సినిమా నుంచి ఫస్టు సింగిల్ ను విడుదల చేసేందుకు చిత్ర యూనిట్ సన్నాహాలు చేస్తున్నట్టు తెలుస్తోంది. విశ్వవిఖ్యాత నట సార్వభౌన నందమూరి తారక రామారావు జయంతి సందంగా ఈ నెల 28వ తేదీన ఫస్టు సింగిల్ ను రిలీజ్ చేయబోతున్నట్టు తెలుస్తోంది. వాస్తవానికి అదే తారీఖున సినిమా విడుదల కావాల్సి ఉంది. కానీ, కరోనా నేపథ్యంలో ఏర్పడిన అంతరాయాల వలన షూటింగు పూర్తి కాకపోవడంతో విడుదల వాయిదా పడింది.
