మే 5 నుంచి రాష్ట్రంలో 14 రోజుల పాటు సెమీ లాక్ డౌన్ లేదా కర్ఫ్యూ విధిస్తూ ఆంధ్రప్రదేశ్ ప్రభుత్వం ఉత్తర్వలు జారీ చేసింది. తాజాగా ఆంధ్రప్రదేశ్‌లో 23,920 కోవిడ్ -19 కేసులు నమోదైన ఒక రోజు తర్వాత ఈ ఉత్తర్వు వచ్చింది.
మహమ్మారి ప్రారంభమైనప్పటి నుండి 24 గంటల వ్యవధిలో రాష్ట్రం 20 వేలకు పైగా కొత్త కరోనావైరస్ కేసులను నమోదు చేయడం ఇదే మొదటిసారి.
కరోనావైరస్ వ్యాప్తిని అరికట్టడానికి ఆంధ్రప్రదేశ్ ఈ నిర్ణయం తీసుకుంది. రాబోయే కొద్ది రోజులు రాత్రి 10 నుండి ఉదయం 5 గంటల వరకు కఠినమైన రాత్రి కర్ఫ్యూలో ఉంటుంది.
ఆంధ్రప్రదేశ్‌లోని షాపులు రోజుకు ఆరు గంటలు మాత్రమే తెరిచి ఉంటాయి. రాష్ట్ర ప్రభుత్వ ఆదేశాల మేరకు ఇది ఉదయం 6 నుంచి మధ్యాహ్నం 12 గంటల వరకు ఉంటుంది.
అత్యవసర సేవలు మాత్రం ఎపుడూ అందుబాటులో ఉంటాయి. 14 రోజుల సెమ లాక్డౌన్ సమయంలో ఉదయం 6 నుంచి 12 వరకు సెక్షన్ 144 అమల్లో ఉంటుంది. అంటే ఈ సమయాల్లో ఐదుగురు సభ్యుల సమ్మేళనాలు రాష్ట్రంలో అనుమతించబడవు.
ఉదయం 6-12 వరకు సెక్షన్ 144 అమల్లో ఉంటుంది.
మధ్యాహ్నం 12 నుంచి రాత్రి 10 వరకు లాక్ డౌన్ అమల్లో ఉంటుంది.
రాత్రి 10 నుంచి ఉదయం 6 వరకు కఠినంగా కర్ఫ్యూ అమల్లో ఉంటుంది.
సోమవారం ఉదయం విడుదల చేసిన కేంద్ర ఆరోగ్య మంత్రిత్వ శాఖ ప్రకారం గత 24 గంటల్లో 3,68,147 కోవిడ్ -19 కేసులు నమోదయ్యాయి. దేశం 3,415 మరణాలు సంభవించాయి. ఇప్పటివరకు మొత్తం మరణాల సంఖ్య 2,18,959 కు చేరుకుంది.
దేశం మొత్తం COVID-19 కేసుల లోడ్ ఇప్పుడు 2 కోట్ల మార్కును దాటడానికి అంచున ఉంది. భారతదేశంలో ప్రస్తుతం 34 లక్షలకు పైగా యాక్టివ్ COVID-19 కేసులు ఉన్నాయి.
