టాలీవుడ్ ప్రిన్స్ మ‌హేష్ బాబు అన్న, దివంగ‌త న‌టుడు ర‌మేష్ బాబు గురించి ప‌రిచ‌యాలు అక్క‌ర్లేదు. సూప‌ర్ స్టార్ కృష్ణ కుమారుడిగా ఇండ‌స్ట్రీలోకి అడుగుపెట్టిన ర‌మేష్ బాబు.. 1974లో విడుద‌లైన అల్లూరి సీతారామరాజు సినిమాతో త‌న సినీ ప్ర‌స్థానాన్ని ప్రారంభించారు. బాల‌న‌టుడిగా కెమెరా ముందుకు వ‌చ్చి.. ఆ త‌ర్వాతి కాలంలో హీరోగా, నిర్మాత‌గా మారారు. కానీ అనుకున్న స్థాయిలో స‌క్సెస్ కాలేక‌పోయారు.
ర‌మేష్ బాబు క‌థానాయ‌కుడిగా చేసిన తొలి చిత్రం సామ్రాట్ కాగా.. చివ‌రి చిత్రం ఎన్‌కౌంటర్. 2011 నుంచి సినీ ఇండ‌స్ట్రీకి పూర్తిగా దూర‌మైన ర‌మేష్ బాబు.. 2022 జ‌న‌వ‌రి 8న కాలేయ సంబంధిత వ్యాధితో బాధపడుతూ హైదరాబాద్, గచ్చిబౌలిలోని ఏఐజీ ఆసుపత్రిలో క‌న్నుమూశారు. ఇకపోతే ర‌మేష్ బాబు భార్య పేరు మృదుల. ఈ జంటకు ఇద్దరు సంతానం. అందులో అబ్బాయి పేరు జయకృష్ణ, అమ్మాయి పేరు భారతి. వీరు బ‌య‌ట క‌నిపించ‌డం చాలా అరుదు.
జయకృష్ణ హీరోగా ఎంట్రీ ఇచ్చేందుకు సిద్ధం అవుతున్నాడు. డ్యాన్స్, యాక్టింగ్ లో శిక్ష‌ణ తీసుకుంటున్నాడు. ర‌మేష్ బాబు కూతురు భారతి విష‌యానికి వ‌స్తే.. ప్ర‌స్తుతం ఈ చిన్న‌ది ఫారెన్ లో చ‌దువుకుంటోంది. చూడచ‌క్క‌ని రూపంతో చూపు తిప్పుకోలేనంత అందంగా భారతి ఉంటుంది. సోష‌ల్ మీడియాలో యాక్టివ్ గా ఉండే భార‌తికి ఇన్‌స్టాలో 27.6 కె ఫాలోవ‌ర్స్ ఉన్నారు. ఇన్‌స్టాలో భారతి ఫోటోషూట్స్ చూసి.. సినీ ప్రియులు, ఘ‌ట్ట‌మ‌నేని అభిమానులు ఆమె ఇండ‌స్ట్రీలోకి రావాల‌ని ఆకాక్షిస్తున్నారు.
View this post on Instagram
