2020లో వచ్చిన కలర్ ఫోటో సినిమా ఎంతటి విజయాన్ని సాధించిందో ప్రత్యేకంగా చెప్పక్కర్లేదు. నూత‌న ద‌ర్శ‌కుడు సందీప్ రాజ్ తెర‌కెక్కించిన ఈ సినిమాలో సుహాస్, చాందిని చౌదరి జంటగా నటించారు. ఎటువంటి అంచనాలు లేకుండా విడుదలైన కలర్ ఫోటో జాతీయ స్థాయిలో గుర్తింపు పొందింది. చాయ్ బిస్కెట్ షార్ట్ ఫిల్మ్స్ తో పాపులారిటీ సొంతం చేసుకున్న సందీప్ రాజ్.. కలర్ ఫోటో చిత్రంతో దర్శకుడిగా తొలి ప్రయత్నంలోనే సక్సెస్ అయ్యాడు.
ప్రస్తుతం రాజీవ్ క‌న‌కాల, యాంక‌ర్ సుమ దంప‌తుల కుమారుడు రోష‌న్ ను హీరోగా పెట్టి సందీప్ `మోగ్లీ` అనే చిత్రాన్ని తీస్తున్నాడు. కెరీర్ గురించి పక్కన పెడితే.. డైరెక్టర్ సందీప్ రాజ్ త్వరలో కొత్త జీవితాన్ని ప్రారంభించబోతున్నాడు. హీరోయిన్ చాందిని రావుతో సందీప్ పెళ్లి ఫిక్స్ అయింది. తాజాగా ఎంగేజ్మెంట్ వేడుక కూడా జరిగింది. ఇందుకు సంబంధించిన పిక్స్ నెట్టింట వైర‌ల్ గా మారాయి. యూట్యూబ్‌లో షార్ట్ ఫిల్మ్స్, వెబ్ సిరీస్‌లు చేస్తున్న టైమ్ నుంచే సందీప్ రాజ్, చాందినీ రావుకు ప‌రిచ‌యం ఉంది.
సందీప్ డైరెక్ట్ చేసిన హెడ్స్ అండ్ టెల్స్ లో చాందిని మెయిన్ లీడ్ లో యాక్ట్ చేసింది. అలాగే అనేక షార్ట్ ఫిల్మ్స్, వెబ్ సిరీస్ ల‌తో పాటు కలర్ ఫోటో, రంగస్థలం, రణస్థలి వంటి సినిమాల్లో చాందిని ప‌ని చేసింది. దాదాపు మూడేళ్ల నుంచి చాందినితో రిలేష‌న్ లో ఉన్న సందీప్ రాజ్.. ఇప్పుడు ఆమెతో ఏడ‌డుగులు వేసేందుకు రెడీ అవుతున్నారు. పెద్ద‌ల అంగీకారంతో తాజాగా ఈ జంట ఉంగ‌రాలు కూడా మార్చుకున్నారు. సందీప్-చాందిని ఎంగేజ్మెంట్ వైజాగ్ లో జ‌రిగిన‌ట్లు తెలుస్తోంది. ఇక పెళ్లి వేడుక డిసెంబ‌ర్ మొద‌టి వారంలో ఉండొచ్చ‌ని అంటున్నారు.
View this post on Instagram
