అందం, అభినయం రెండూ ఉండి కూడా అనుకున్న స్థాయిలో సక్సెస్ కాని హీరోయిన్లలో రుహాని శర్మ ఒకరు. ‘చి ల సౌ’ సినిమాలో ఎంతో అందంగా కనిపిస్తూనే చక్కగా నటించి మెప్పించింది ఈ ఉత్తరాది అమ్మాయి. కానీ మరీ చిన్న సినిమాతో పరిచయం కావడం వల్లో ఏమో.. ఆ తర్వాత కూడా అలాంటి సినిమాల్లోనే అవకాశాలు వచ్చాయి. నంబర్ చూసుకుంటే చాలా సినిమాలే కనిపిస్తాయి కానీ.. ఒక స్థాయికి మించిన ప్రాజెక్టుల్లో మాత్రం అవకాశం రాలేదు. ఇలాంటి టైంలోనే రుహాని ‘ఆగ్రా’ అనే ఆర్ట్ మూవీలో నటించింది. ఈ చిత్రం కేన్స్ ఫిలిం ఫెస్టివల్ సహా పలు చోట్ల ప్రదర్శితమైంది. విమర్శకుల ప్రశంసలు అందుకుంది. త్వరలోనే విడుదల కావాల్సిన ఉన్న ఈ చిత్రం.. ముందే ఆన్ లైన్లోకి వచ్చేయడం రుహానిని తీవ్ర వేదనకు గురి చేసింది.
‘ఆగ్రా’ మూవీ ఆన్ లైన్లో లీక్ కావడం గురించి రుహాని తీవ్ర ఆవేదనతో ఒక సోషల్ మీడియా పోస్ట్ పెట్టింది. తాము ప్రాణం పెట్టి చేసిన సినిమా ఇలా లీక్ అవడం ఎంతగానో బాధిస్తోందని ఆమె పేర్కొంది. అంతే కాక తాము ఎంతో ప్యాషన్‌తో చేసిన సన్నివేశాలను జనం వేరే దృష్టితో చూస్తూ తనను జడ్జ్ చేయడం పట్ల కూడా రుహాని ఆవేదన వ్యక్తం చేసింది.
ఈ చిత్రంలో రుహాని కొన్ని బోల్డ్ సీన్స్ చేసింది. ఆర్ట్ సినిమాల్లో సెక్స్ సీన్స్ కూడా ఆర్టిస్టిగ్గానే ఉంటాయి. వాటిని విశాల దృక్పథంతోనే చేస్తారు ఆర్టిస్టులు. ప్రేక్షకులు కూడా ఆ కోణంలోనే వాటిని చూడాలని కోరుకుంటారు. కానీ రుహాని మీద తీసిన సెక్స్ సీన్లను నెటిజన్లు వేరే దృష్టితో చూస్తున్నారు. సినిమాలో ఏముందని పక్కన పెట్టి ఫలానా టైంలో ఫలానా హాట్ సీన్ వస్తుందంటూ టైమింగ్ నోట్ చేసి మరీ ఈ సినిమా డౌన్ లోడ్ లింక్స్‌ను షేర్ చేస్తున్నారు. అంతే కాక బోల్డ్ సీన్లను కట్ చేసి వీడియోలు షేర్ చేస్తున్నారు. రుహాని ఆవేదనతో ఈ పోస్ట్ పెట్టిన తర్వాత సదరు వీడియోలు, సినిమా లింక్స్‌కు సంబంధించిన పోస్టులు మరింతగా వైరల్ అవుతుండడం గమనార్హం.
My heart stoppedu @iRuhaniSharma i am deathed bangaram 💔#RuhaniSharma
https://t.co/28u3PDkqJk— Joey Tribbiani (@joeyurfriend) August 18, 2024
