నేష‌న‌ల్ క్ర‌ష్ రష్మిక మంద‌న్నా ప్ర‌స్తుతం ఇటు సౌత్‌, ఇటు నార్త్ లో బ్యాక్ టు బ్యాక్ సినిమాలు చేస్తూ కెరీర్ ను ప‌రుగులు పెట్టిస్తున్న సంగ‌తి తెలిసిందే. కొత్త భామ‌లు ఎంత గ‌ట్టి పోటీ ఇస్తున్నా.. రష్మిక గ్రాఫ్ ఏ మాత్రం త‌గ్గ‌డం లేదు. అయితే ఇప్పుడీ ముద్దుగుమ్మ‌కు పెద్ద నొప్పి మొద‌లైంది. ఆమె న‌టిస్తున్న రెండు పెద్ద చిత్రాలు ఒకే రోజు విడుద‌ల‌కు రెడీ అయ్యాయి. అంటే రష్మిక త‌న సినిమాతో తానే పోటీ ప‌డ‌బోతోంది.
రష్మిక చేతిలో ఉన్న బిగ్ ప్రాజెక్ట్స్ లో `పుష్ప 2` ఒక‌టి. సుకుమార్ డైరెక్ట్ చేస్తున్న ఈ మూవీలో ఐకాన్ స్టార్ అల్లు అర్జున్ తో క‌లిసి రష్మిక న‌టించింది. పుష్ప పార్ట్ 1 ఇండియ‌న్ బాక్సాఫీస్ ను షేక్ చేయ‌డంతో పుష్ప 2పై భారీ అంచ‌నాలు ఏర్ప‌డ్డాయి. డిసెంబ‌ర్ 6న ఈ చిత్రం తెలుగుతో పాటు త‌మిళ్, క‌న్న‌డ, మ‌ల‌యాళ, హిందీ భాష‌ల్లో గ్రాండ్ రిలీజ్ కాబోతోంది.
అయితే స‌రిగ్గా అదే రోజు బాలీవుడ్ క్రేజీ హీరో విక్కీ కౌశల్, రష్మిక మంద‌న్నా జంట‌గా న‌టిస్తున్న హిస్టారికల్ ఫిల్మ్ `ఛావా` కూడా విడుద‌ల అవ్వ‌బోతోంది. తాజాగా టీజ‌ర్ తో పాటు రిలీజ్ డేట్ ను చిత్ర‌బృందం అధికారికంగా ప్ర‌క‌టించింది. ఛత్రపతి శివాజీ కుమారుడు ఛత్రపతి సాంబాజీ మహారాజ్ జీవిత కథ ఆధారంగా ఛావా సినిమాను రూపొందిస్తున్నారు. సాంబాజీగా విక్కీ కౌశల్, అతని భార్య యేసుబాయి భోంసాలే పాత్రలో రష్మిక న‌టిస్తున్నారు. నార్త్ లో ఇప్ప‌టికే ఈ చిత్రంపై మంచి బ‌జ్ క్రియేట్ అయింది.
అయితే అల్లు అర్జున్ లాంటి స్టార్.. అందులోనూ పుష్ప 2 లాంటి చిత్రంతో ఢీ కొట్ట‌డం చాలా పెద్ద రిస్క్‌. అయిన‌ప్ప‌టికీ కంటెంట్ పై ఉన్న న‌మ్మకంతో ఛావాను పుష్ప 2కు పోటీగా దింపుతున్నార‌ని తెలుస్తోంది. దీంతో ఒకే రోజు రష్మిక న‌టించిన రెండు చిత్రాలు థియేట‌ర్స్ లో సంద‌డి చేయ‌బోతున్నాయి. ఇది ప్రేక్ష‌కుల‌కు మంచి ట్రీటే అయినా.. ప్ర‌మోష‌న్స్ విషయంలో రష్మిక ఖ‌చ్చితంగా ఇబ్బంది ప‌డాల్సి ఉంటుంది. పొర‌పాటున రెండిటిలో ఏ సినిమాకు ఎక్కుక ప్రాధాన్య‌త ఇచ్చినా ర‌ష్మిక‌ను ఏకేస్తారు. కాబ‌ట్టి ఇటువంటి వింత ప‌రిస్థితి నడుమ రష్మిక చాలా జాగ్ర‌త్త‌గా వ్య‌వ‌హ‌రించాల్సి ఉంటుంది.
