అనేక అడ్డంకులు దాటుకొని ఎట్టకేలకు భారతీయుడు 2 సినిమా విడుదలకు సిద్ధమైంది. ఈ విజిలెంట్ యాక్షన్ మూవీకి శంకర్ దర్శకత్వం వహించగా.. లైకా ప్రొడక్షన్స్, రెడ్ జెయింట్ మూవీస్ బ్యాన‌ర్ల‌పై సుభాస్కరన్ అల్లిరాజా, ఉదయనిధి స్టాలిన్ సంయుక్తంగా నిర్మించారు. 1996లో వ‌చ్చిన బిగ్గెస్ట్ బ్లాక్ బ‌స్ట‌ర్ భారతీయుడు మూవీకి సీక్వెల్ ఇది. ఈ చిత్రంలో లోక నాయకుడు కమల్ హాసన్ హీరోగా చేశారు. భారతదేశంలో అవినీతికి వ్యతిరేకంగా పోరాడిన స్వాతంత్ర్య సమరయోధుడు వీరశేఖరన్ సేనాపతిగా ఆయ‌న క‌నిస్తారు.
అలాగే సిద్ధార్థ్, ఎస్‌జె సూర్య, రకుల్ ప్రీత్ సింగ్, బాబీ సింహా, వివేక్, ప్రియా భవానీ శంకర్, సముద్రఖని త‌దిత‌రులు కీల‌క పాత్ర‌ల్లో న‌టించ‌గా.. తమిళ రాక్ స్టార్ అనిరుధ్ రవిచందర్ సంగీతం అందించాడు. దాదాపు 3 గంటల ర‌న్ టైమ్ లో జూలై 12న తెలుగు, తమిళ, హిందీ భాషల్లో ప్ర‌పంచ‌వ్యాప్తంగా భారతీయుడు 2 గ్రాండ్ రిలీజ్ కాబోతోంది. తాజాగా ఈ సినిమా ప్రీ రిలీజ్ బిజినెస్ లెక్క‌లు బ‌య‌ట‌కు వ‌చ్చాయి.
వ‌ర‌ల్డ్ వైడ్ గా భారతీయుడు 2 మూవీ ఏకంగా రూ. 75 కోట్ల టార్గెట్ లో విడుద‌ల కాబోతోంది. అలాగే తెలుగులో ఈ మూవీకి రూ. 24 కోట్ల రేంజ్ లో ప్రీ రిలీజ్ బిజినెస్ జ‌రిగింది. ఏషియ‌న్ సురేష్ ఎంట‌ర్‌టైన్మెంట్స్ ఎల్ఎల్‌పి, శ్రీల‌క్ష్మి మూవీస్ సంస్థ‌లు భారతీయుడు 2 మూవీని తెలుగు రాష్ట్రాల్లో రిలీజ్ చేయ‌బోతున్నారు. తెలుగు బ్రేక్ ఈవెన్ టార్గెట్ రూ. 25 కోట్లు. బాక్సాఫీస్ వ‌ద్ద ఫుల్ ర‌న్ లో రూ. 25 కోట్ల షేర్ మ‌రియు రూ. 46-48 కోట్ల రేంజ్ లో గ్రాస్ కలెక్షన్స్ ని సొంతం చేసుకుంటే కమల్ హాసన్ లేటెస్ట్ మూవీ సేప్ జోన్‌లోకి వెళ్లిపోతుంది.
