తెలుగు బిగ్గెస్ట్ రియాలిటీ షో బిగ్ బాస్ ఇప్పటికే 7 సీజన్లను సక్సెస్ ఫుల్ గా కంప్లీట్ చేసుకుంది. ఇప్పుడు సీజన్ 8 కు సన్నాహాలు మొదలయ్యాయి. బిగ్ బాస్ సీజన్ 8 ఆగస్టు మొదటి వారం లేదా రెండో వారంలో ప్రారంభం అయ్యే అవకాశాలు ఉన్నాయి. అలాగే ఎప్పట్లాగానే షోలో పాల్గొనబోయే కంటెస్టెంట్స్ వీళ్లే అంటూ పలువురి పేర్లు సోషల్ మీడియాలో ట్రెండ్ అవుతున్నాయి. అయితే ఈ లిస్టులో ఎవరు ఊహించని పేరు కూడా చేరింది. ప్రముఖ జ్యోతిష్యుడు వేణు స్వామి బిగ్ బాస్ సీజన్ 8 లో సందడి చేయబోతున్నారని బలంగా వార్తలు వస్తున్నాయి.
యూట్యూబ్ ద్వారా సినీ సెలబ్రిటీలు, రాజకీయ నాయకుల జాతకాలు మరియు విడుదలకు ముందే సినిమా ఫలితాలు చెబుతూ వేణు స్వామి తెలుగు రాష్ట్రాల్లో సూపర్ పాపులర్ అయ్యారు. సమంత నాగచైతన్యల విడాకులతో సహా వేణు స్వామి చెప్పిన చాలా అంశాలు, అంచ‌నాలు నిజమయ్యాయి. పైగా సినీ పరిశ్రమకు చెందిన కొంతమంది హీరోయిన్లు వేణు స్వామితో ప్రత్యేకంగా పూజలు చేయించుకున్నారు. దీంతో వేణు స్వామిని చాలా మంది నమ్మడం ప్రారంభించారు.
అయితే ఏపీలో ఇటీవల జరిగిన సార్వత్రిక ఎన్నికల్లో సీఎంగా మరోసారి వైఎస్ జగన్ గెలుస్తాడని వేణు స్వామి జోష్యం చెప్పారు. కానీ సీన్ రివర్స్ అయ్యింది. ఎన్డీఏ కూటమి అధికారంలోకి రావడంతో వేణు స్వామిని దారుణంగా ట్రోలింగ్ చేశారు. ఆ దెబ్బతో జాతకాలు చెప్పడం మానేస్తానని వేణు స్వామి సోషల్ మీడియా ద్వారా సంచలన ప్రకటన చేశారు. యూట్యూబ్‌లో వేణు స్వామి ఈ మధ్యన పెద్దగా కనిపించకపోయినా.. సోషల్ మీడియాలో ఆయ‌న క్రేజ్ ఏమాత్రం త‌గ్గ‌లేదు.
ఇక ఇప్పుడు వేణు స్వామి క్రేజ్ ను బిగ్ బాస్ నిర్వహకులు క్యాష్ చేసుకోవాలనుకుంటున్నారు. ఈ నేపథ్యంలోనే తాజా సీజన్ లో ఆయన్ను కంటెస్టెంట్ గా దింపాలని గట్టి ప్రయత్నాలు చేస్తున్నారు. ఇప్పటికే వేణు స్వామితో సంప్రదింపులు పూర్తి అయ్యాయని.. బిగ్ బాస్ హౌస్ లో పాల్గొనేందుకు ఆయ‌న ఒప్పుకున్నారని ప్రచారం జరుగుతుంది. అలాగే తెలుగు బిగ్ బాస్ హిస్ట‌రీలోనే ఏ సెల‌బ్రిటీ తీసుకోనంత హైయెస్ట్ రెమ్యునరేషన్ వేణు స్వామి తీసుకోబోతున్నార‌ని కూడా అంటున్నారు. ఇదే నిజ‌మై వేణు స్వామి బిగ్ బాస్ లోకి ఎంట్రీ ఇస్తే టీఆర్పీ రేటింగ్స్ బ‌ద్ద‌లైపోవ‌డం ఖాయం.
