టాలీవుడ్ స్టార్ డైరెక్టర్ త్రివిక్రమ్ శ్రీనివాస్ రీసెంట్ గా భార్య సౌజన్య మరియు ఇద్దరు కుమారులు రిషి, నీరజ్ లతో తిరుమల వెళ్లి కాలినడకన స్వామి వారిని దర్శించుకున్న సంగతి తెలిసిందే. అయితే అప్పటి నుంచి అందరి ఫోకస్ త్రివిక్రమ్ పెద్ద కుమారుడు రిషి పైనే పడింది. హీరోలకు ఏమాత్రం తీసిపోని విధంగా రిషి లుక్స్ అండ్ పర్సనాలిటీ ఉండ‌టంతో.. అత‌ని ఫిల్మ్ ఎంట్రీ తొంద‌ర‌లోనే ఉంటుంద‌ని నెటిజ‌న్లు చ‌ర్చించుకుంటున్నారు.
ఇలాంటి తరుణంలో రిషికి సంబంధించి ఓ ఆసక్తికర వార్త వచ్చింది. రిషి సినిమాల్లోకి రావడం ఖాయమే. కానీ హీరోగా కాదట. హీరో క‌టౌట్ ఉన్నాస‌రే రిషి మాత్రం కెమెరా వెనుక నుంచి తన సినీ ప్రయాణాన్ని మొదలు పెట్టాలని నిర్ణయించుకున్నాడ‌ట. తండ్రి బాటలోనే డైరెక్షన్ డిపార్ట్మెంట్ పై అతను దృష్టి పెట్టాడ‌ట. ఇందులో భాగంగానే ప్రస్తుతం ఓ స్టార్ హీరో మూవీకి అసిస్టెంట్ డైరెక్టర్ గా రిషి వర్క్ చేస్తున్నట్లు వార్తలు వస్తున్నాయి.
ఇంతకీ ఆ హీరో మరెవరో కాదు విజయ్ దేవరకొండ. గౌతమ్ తిన్ననూరి దర్శకత్వంలో విజయ్ దేవరకొండ ప్రస్తుతం ఒక సినిమా చేస్తున్న సంగతి తెలిసిందే. అయితే ఈ సినిమా తో సహాయక దర్శకుడిగా రిషి సినీ పరిశ్రమలోకి అడుగుపెట్టబోతున్నాడని ఇన్ సైడ్ జోరుగా టాక్ నడుస్తోంది. మరి ఇది ఎంతవరకు నిజమో తెలియాలంటే త్రివిక్రమ్ నోరు మిదపాల్సిందే.
కాగా, త్రివిక్రమ్ శ్రీనివాస్ సతీమణి, ప్రముఖ క్లాసికల్ డాన్సర్ సాయి సౌజన్య గత ఏడాదే నిర్మాతగా పరిశ్రమలోకి అడుగు పెట్టారు. ఫార్చ్యూన్ ఫోర్ సినిమాస్ అనే ప్రొడక్షన్ హౌస్ ను ప్రారంభించి.. సార్, మ్యాడ్‌, బుట్ట‌బొమ్మ, డీజే టిల్లు, టిల్లు స్క్వేర్ వంటి విజయవంతమైన చిత్రాల‌ను నిర్మించారు. స‌క్సెస్ ఫుల్ నిర్మాతగా సౌజన్య ముందుకు సాగుతున్నారు.
