నందమూరి బాలకృష్ణ ఏం చేసినా వార్తే. బయట ఆయన మాటతీరు, నడవడిక తరచుగా చర్చనీయాంశం అవుతుంటాయ. తన సినిమాల వేడుకల్లో అయినా.. బయట వేరేదైనా వేడుకకు వచ్చినా బాలయ్య చేసే ప్రసంగాలు, ఆయన చేష్టలు హాట్ టాపిక్‌గా మారుతుంటాయి. ఇటీవల ఆయన ‘గ్యాంగ్స్ ఆఫ్ గోదావరి’ సినిమా ప్రి రిలీజ్ ఈవెంట్‌కు హాజరయ్యారు.
ఈ వేడుకలో బాలయ్య కూర్చున్న సోఫా దగ్గర వాటర్ బాటిల్‌తో పాటు ఓ చిన్న బాటిల్ కూడా కనిపించింది. అది మందు బాటిల్ అంటూ సోషల్ మీడియా జనాలు ఆ ఫొటోలు, వీడియోలను వైరల్ చేశారు. పబ్లిక్ ఫంక్షన్లోనూ బాలయ్య మందు కొడతాడా అంటూ సామాజిక మాధ్యమాల్లో పెద్ద చర్చే జరిగింది. ఈ నేపథ్యంలో ‘గ్యాంగ్స్ ఆఫ్ గోదావరి’కి సంబంధించిన ప్రమోషనల్ ప్రెస్ మీట్లో టీంకు దీని గురించి మీడియా నుంచి ప్రశ్నలు ఎదురయ్యాయి.
ఐతే ఆ ఫొటోల్లో, వీడియోల్లో కనిపించిన మందు బాటిల్ గ్రాఫిక్స్ అని తేల్చేశారు నిర్మాత నాగవంశీ, హీరో విశ్వక్సేన్. ఇదిలా ఉంటే.. ఆ వేడుకలో స్టేజ్ మీద బాలయ్య హీరోయిన్ అంజలిని గట్టిగా నెట్టడం కూడా చర్చనీయాంశం అయిన సంగతి తెలిసిందే. ఐతే మంచి ఫ్రెండ్షిప్ ఉన్నపుడు ఇలా సరదాగా తోయడంలో ఆశ్చర్యం ఏముందని.. పూర్తి వీడియో చూసిన వాళ్లకు విషయం అర్థమవుతుందని.. బాలయ్య, అంజలి తర్వాత హైఫైవ్ ఇచ్చుకున్న దృశ్యం కనిపించలేదా అని నాగవంశీ ప్రశ్నించారు.
