దర్శకుడు పరశురాం, హీరో విజయ దేవరకొండ కాంబినేషన్ లో వచ్చిన ఫ్యామిలీ స్టార్ చిత్రం ఈ నెల 5న భారీ అంచనాల మధ్య విడుదలై యావరేజ్ గా నిలిచిన విషయం తెలిసిందే. మృణాల్ ఠాకూర్ హీరోయిన్ గా వస్తున్న ఈ చిత్రం హిట్ గ్యారంటీ అని అంతా అనుకున్నా బాక్సాఫీస్ వద్ద బోల్తాకొట్టింది.
పరశురాం, విజయ్ దేవరకొండ కాంబినేషన్ లో వచ్చిన గీతగోవిందం సినిమా సూపర్ హిట్ అయింది. ఈ నేపథ్యంలో ఇది కూడా విజయం సాధిస్తుందని అనుకున్నారు.
డియర్ కామ్రేడ్, లైగర్ సినిమాల నిరాశాజనక ఫలితం నేపథ్యంలో ఈ సినిమా మీదనే విజయ్, ఆయన అభిమానులు భారీ అంచనాలు పెట్టుకున్నారు. కానీ ఇది కూడా ప్రేక్షకుల అంచనాలు అందుకోవడంలో విఫలం అయింది.
బాక్సాఫీస్ వద్ద విఫలమైన ఈ సినిమా ఓటిటి ప్లాట్ ఫామ్ అమెజాన్ ప్రైమ్ వీడియోలో రిలీజ్ అయి అదరగొడుతుండండం విశేషం.
అమెజాన్ ప్రైమ్‌లో ఇండియా వైడ్‌గా నంబర్ వన్ స్థానంలో ఈ సినిమా ట్రెండ్ అవుతున్నది. ఎలాంటి హిందీ వెర్షన్ కూడా ఏమి లేకుండా ఇండియా వైడ్ గా ఈ సినిమా ఇప్పుడు ట్రెండింగ్ లోకి రావడం విశేషం.
