అందాల ముద్దుగుమ్మ.. బాలీవుడ్ స్టార్ హీరోయిన్లలో ఒకరైన జాక్వెలిన్ ఫెర్నాండెజ్ తీవ్రమైన మనీలాండరింగ్ కేసులో ఇరుక్కోవటం తెలిసిందే. ఆమె ప్రియుడు సుకేశ్ చంద్రశేఖర్ తో కలిసి భారీ ఎత్తున చట్టవిరుద్ధమైన కార్యకలాపాల్లో పాల్గొన్నట్లుగా ఈ నటి పై ఆరోపణలు ఉన్నాయి. ఇలాంటి వేళ ఆమెకు ఈ మధ్యనే కోర్టు మధ్యంతర బెయిల్ ఇవ్వటంతో స్వేచ్ఛా వాయవుల్ని పీలుస్తున్నారు. ఇలాంటివేళ.. కోర్టుకు సమర్పించిన వాంగ్మూలంలో ఆమె బరస్ట్ అయ్యారు.
తన బాయ్ ఫ్రెండ్ సుకేశ్ మీద తీవ్ర స్థాయిలో మండిపడ్డారు. అతడి వల్ల తన కెరీర్ పూర్తిగా నాశనమైందని వాపోయిన ఆమె.. తన భావోద్వేగాలతో ఆడుకున్నట్లుగా పేర్కొన్నారు. సుకేశ్ పెద్ద మోసగాడని.. అతని కారణంగా తన కెరీర్ పూర్తిగా నాశనమైందని పేర్కొన్నారు.
‘‘నన్ను తప్పుదారి పట్టించాడు. నా ఎమోషన్స్ తో ఆడుకున్నాడు. అతడో మోసగాడు. అతడి తప్పుల్ని గుర్తించలేకపోయా. నన్ను మోసం చేశాడు’ అంటూ కోర్టుకు తెలిపారు.
మరిన్నిమాటలు చెప్పినప్పటికీ.. ఆమె మీద ఉన్న ఆరోపణలపై కోర్టు ఏ రీతిలో రియాక్టు అవుతుందన్నది ఇప్పుడు ప్రశ్నగా మారింది. ఖరీదైన బహుమతులతో.. సినిమాటిక్ గా సన్నిహితమైన సుకుశ్ తో చట్టాపట్టాలేసుకొని తిరిగిన జాక్వెలిన్ రాబోయే రోజుల్లో మరెన్ని వివరాలు బయటపెడతారో చూడాలి.
