నందమూరి నట సింహం బాలకృష్ణ, గోపీచంద్ మలినేనిల కాంబోలో తెరకెక్కుతోన్న ఫ్యాక్షన్ ఎంటర్‌టైనర్ ‘వీర సింహా రెడ్డి’ చిత్రంపై భారీ అంచనాలున్న సంగతి తెలిసిందే. చాలాకాలం తర్వాత ఫ్యాక్షన్ బ్యాక్ డ్రాప్ లో బాలయ్య చేస్తున్న పక్కా మాస్ ఎంటర్ టైనర్ కోసం నందమూరి అభిమానులు ఆతృతగా ఎదురుచూస్తున్నారు. వచ్చే ఏడాది సంక్రాంతి కానుకగా జనవరి 12న థియేటర్లలో ఈ సినిమా సందడి చేయనుంది. దీంతో, ప్రమోషన్ల జోరు పెంచిన చిత్ర యూనిట్ తాజాగా ఈ చిత్రం నుంచి మూడో సింగిల్ రిలీజ్ చేసింది.
‘మా బావ మనోభావాలు’ పాటను ఈ నెల 24వ తేదీన విడుదల చేయబోతున్నామంటూ ఆ సాంగ్ ప్రోమోను చిత్రయూనిట్ విడుదల చేసింది. ‘సెన్సేషనల్ స్పెషల్ సాంగ్ ఆఫ్ ది ఇయర్’ అంటూ ఈ పాటలో బాలకృష్ణ స్టైలిష్ లుక్ ను కూడా షేర్ చేసింది. బాలయ్య చుట్టూ డ్యాన్స్ చేస్తున్న అమ్మాయిలను చూస్తుంటే ఇది ఐటమ్, స్పెషల్ సాంగ్ లా కనిపిస్తోంది. న్యూ ఈయర్ పార్టీలో, థియేటర్లలో ఈ పాట దద్దరిల్లిపోతుందని మైత్రి మూవీ మేకర్స్ కాన్ఫిడెంట్ గా చెబుతోంది. ఇప్పటిదాకా వచ్చిన రెండు పాటలు ఓ లెక్క..ఈ పాట ఓ లెక్క అంటున్నారు మేకర్స్.
ఇక, ‘వీర సింహా రెడ్డి’ చిత్రంలో బాలయ్య డ్యూయల్ రోల్ చేస్తున్నారన్న సంగతి తెలిసిందే. అయితే, ఈ సినిమాలో బాలయ్య బాబు మరో లుక్ లో కూడా సందడి చేయబోతున్నారట. ఫ్యాక్షన్ లీడర్ గా జై బాలయ్య పాటలోది ఫస్ట్ లుక్ అని,అది తండ్రి క్యారెక్టర్ అని తెలుస్తోంది. ఇక, అమెరికాలో చదువుకొనే కుమారుడి క్యారెక్టర్ లో కూడా యంగ్ బాలయ్య అదరగొట్టారట. ‘సుగుణ సుందరి’లో ఉన్నదే ఆ రెండో లుక్ అట. ఇండియాకు తిరిగి వచ్చిన తర్వాత బాలయ్య మరో లుక్ లో కనిపించబోతున్నారట. ఏది ఏమైనా… బాలయ్య ‘సెన్సేషనల్ స్పెషల్ సాంగ్ ఆఫ్ ది ఇయర్’ ప్రోమో..వైరల్ అయింది.
