బాలీవుడ్ బ్యాడ్ బాయ్ స‌ల్మాన్ ఖాన్ బుట్ట‌బొమ్మ పూజాహెగ్డే ప్రేమ‌లో ప‌డ్డాడా అంటే అవున‌నే అంటున్నాయి బాలీవుడ్ వ‌ర్గాలు. అన‌డ‌మే కాదు ట్విట్ట‌ర్ వేదిక‌గా కొంత‌మంది అభిమానులు వీరిద్ద‌రి ప్రేమ ప‌క్షుల‌య్యారంటూ ట్వీటేస్తున్నారు. ప్రేమ‌లో ప‌డ‌ట‌మేంటీ స‌ల్లూభాయ్ ఏకంగా పూజాహెగ్డేతో రెండు సినిమాల‌కు కూడా సైన్ చేసేశాడ‌ట.
బాలీవుడ్ కండ‌ల వీరుడు స‌ల్మాన్‌ఖాన్ నిరంత‌ర ప్రేమికుడు. ఎప్పుడూ ఎవ‌రో ఒక హీరోయిన్ ప్రేమ‌లో ప‌డి వార్త‌ల‌కెక్కుతూనే ఉంటాడు. త‌న ప్రేమ పంజ‌రంలో ఎప్పుడూ స‌రికొత్త ప్రేమ‌పావురాల‌ను వెతుకుతూనే ఉంటాడు. ఐశ్వ‌ర్యారాయ్‌, క‌త్రీనాఖైఫ్‌, సంగీతా బిజిలానీ, పాకిస్తానీ సుంద‌రీ సోమీ అలీ…ఇలా చెప్పుకుంటూ పోతూ స‌ల్లూభాయ్ ప్రేమ‌ఖాతాలో ప‌డ్డ సుంద‌రీమ‌ణుల లిస్టు చాలా పెద్ద‌దే ఉంటుంది. దాదాపు డ‌జ‌ను మందితో ఇప్ప‌టికే ఆయ‌న ప్రేమాయ‌ణం న‌డిపిన‌ట్లు బాలీవుడ్ వ‌ర్గాలు చెబుతుంటాయి. ఇప్పుడు తాజాగా ఆయ‌న ప్రియురాళ్ల స‌ర‌స‌న బుట్ట‌బొమ్మ పూజాహెగ్డే కూడా చేరింది.
50 ఏళ్లు దాటిన స‌ల్లూభాయ్‌కు బాలీవుడ్‌లో మాత్రం ఇప్ప‌టికీ క్రేజ్ ఏమాత్రం త‌గ్గ‌లేదు. ఇప్ప‌టికీ బాలీవుడ్ మెగాస్టార్ స‌ల్మాన్ ఖాన్ మాత్ర‌మే. అయితే ఆయ‌న త‌న సినిమాల మీద దృష్టి పెట్టిన‌ట్లుగా త‌న వివాహంపైన పెద్ద‌గా దృష్టి పెట్ట‌డం లేదు. తాను ప్రేమ‌క‌లాపాలు న‌డిపి త‌రువాత విడిపోయిన త‌న మాజీ ప్రియురాళ్లంద‌రికీ దాదాపుగా పెళ్లి అయిపోతున్నా స‌ల్మాన్ ఖాన్ మాత్రం స్టిల్ బ్యాచిల‌ర్‌గానే ఉండిపోతున్నాడు. ఇప్పుడు తాజాగా బుట్ట‌బొమ్మ పూజాహెగ్డే ప్రేమ‌లో ప‌డిపోయాడ‌ట.
ఈ ఇద్ద‌రు ప్రేమ‌ప‌క్ష‌లు ఇప్పుడు పీక‌ల్లోతు ప్రేమ‌లోప‌డిపోయి స‌ర‌స‌స‌ల్లాపాల్లో జాలీగా గ‌డుపుతున్నార‌ట. ఏమాత్రం ఈ ఇద్ద‌రికీ సమయం దొరికినా ఇక ప్రేమ క‌బుర్ల‌లో స‌మ‌యాన్ని మ‌ర‌చిపోతున్నార‌ట. పూజా ప్రేమ‌లో ప‌డ‌ట‌మే కాదు స‌ల్లూభాయ్ ఇప్పుడు ఆమె నామ‌జ‌పంలోనే సమయం గడిపేస్తున్నార‌ట. ఆయ‌న కొత్త‌గా న‌టించ‌బోయే రెండు సినిమాల‌కు పూజా హెగ్డేనే హీరోయిన్‌గా తీసుకున్నారు. ఈ మాట‌లు ఎవ‌రో చెప్ప‌డం లేదు. స‌ల్మాన్ స‌న్నిహితులే చెబుతున్నారు. ఏకంగా ట్వీట్ ద్వారా ఈ కొత్త ప్రేమ ప‌క్షుల‌కు శుభాభినంద‌న‌లు కూడా చెప్పేస్తారు.
స‌ల్లూభాయ్ తాజా ప్రేమాయ‌ణం నెట్టింట వైర‌ల్‌గా మారింది. ఇంకా ఎంత‌మంది ప్రియురాళ్ల‌తో కాల‌క్షేపం చేస్తావ్‌. క‌నీసం ఇక‌నైనా పెళ్లిచేసుకోవ‌చ్చుగా అంటూ నెటిజెన్లు స‌ల్మాన్‌ఖాన్‌పై కామెంట్ల‌తో హెరెత్తిస్తున్నారు.
