నందమూరి నటసింహం, మాస్ కా బాప్ నందమూరి బాలకృష్ణ ‘అఖండ’ చిత్రం తర్వాత వరుస సినిమాలను పట్టాలెక్కించిన సంగతి తెలిసిందే. ‘అఖండ’తో ఇండస్ట్రీకి ఊపిరి పోసిన బాలయ్య…యువ స్టార్ హీరోలకు దీటుగా యంగ్ డైరెక్టర్లకు అవకాశాలిచ్చారు. ఈ క్రమంలోనే అఖండ తర్వాత అదే రేంజ్ లో ఉండేలా గోపీచంద్ మలినేని దర్శకత్వంలో బాలయ్య నటించిన ‘‘వీర సింహారెడ్డి’’ చిత్రంపై భారీ అంచనాలున్నాయి.
ఆ క్రేజ్ కు తగ్గట్టుగానే ఈ చిత్రం నుంచి గతంలో విడుదలైన బాలయ్య లుక్ వైరల్ అయింది. రాయలసీమ ఫ్యాక్షన్ నేపథ్యంలో కొనసాగే ఈ సినిమాను వచ్చే ఏడాది సంక్రాంతికి భారీ స్థాయిలో విడుదల చేయబోతున్నారు. ఈ క్రమంలోనే ఈ చిత్రం నుంచి తాజాగా ఫస్ట్ సింగిల్ రిలీజైంది.
థమన్ సంగీతాన్ని అందించిన ఫస్ట్ సింగల్ ‘జై బాలయ్య’ పాట యూట్యూబ్ లో దుమ్ము రేపుతోంది.
రామజోగయ్య శాస్త్రి రచించిన ఈ మాస్ ఆంథెమ్ లో థమన్ కూడా బాలయ్యతో కలిసి చిందేయడం విశేషం. వైట్ అండ్ వైట్ డ్రెస్ వేసి…మెడలో పెద్ద బంగారు చైన్లు, చేతికి వాచ్ తో థమన్ లుక్ అదిరిపోయింది. ఇక, వైట్ అండ్ వైట్ డ్రెస్ లో నల్ల కళ్లజోడు పెట్టుకొని క్లాస్ అండ్ మాస్ లుక్ లో ఉన్న బాలయ్య అప్పియరెన్స్ ఫ్యాన్స్ కు గూస్ బంప్స్ తెప్పిస్తోంది. ‘రాజసం నీ ఇంటి పేరు… పౌరుషం నీ ఒంటి పేరు…జై బాలయ్య..జై జై బాలయ్యా’ అని సాగే ఈ పాట మాస్ కు పూనకాలు తెప్పిస్తోంది. గాయకుడు కరీముల్లా పాడిన ఈ మాస్ పాట ప్రస్తుతం సోషల్ మీడియాలో ట్రెండ్ అవుతోంది.
